സംസ്ഥാനത്ത് പാൽ(milk) വില കൂട്ടുമെന്ന് മന്ത്രി ജെ ചിഞ്ചുറാണി(j chinchurani). പാൽ വില കൂട്ടേണ്ടത് മിൽമയാണെന്നും മിൽമയ്ക്ക് അതിന് അധികാരമുണ്ടെന്നും മന്ത്രി കൂട്ടിച്ചേർത്തു. ക്ഷീര കർഷകരുടെ അഭിപ്രായങ്ങൾ കൂടി കേട്ട ശേഷമായിരിക്കും വർധനവ്. പാൽ വില വർധിപ്പിക്കും. അഞ്ച് രൂപയ്ക്ക് മുകളിലാവും വർധനവ്. വർധനവ് മിൽമ റിപ്പോർട്ടിൻ്റെ അടിസ്ഥാനത്തിൽ തീരുമാനിക്കുമെന്നും മന്ത്രി വ്യക്തമാക്കി.
PSC: ഡോ.എം.ആർ ബൈജു പി എസ് സി ചെയർമാൻ
കേരള പബ്ലിക് സർവ്വീസ് കമ്മീഷൻ(PSC) പുതിയ ചെയർമാനായി ഡോ.എം.ആർ. ബൈജുവി(MR Baiju)നെ ശിപാർശ ചെയ്യുവാൻ മന്ത്രിസഭ തീരുമാനിച്ചു.നിലവിലെ ചെയർമാൻ അഡ്വ.എം.കെ.സക്കീർ ഒക്ടോബർ 30 ന് വിരമിക്കുന്ന ഒഴിവിലാണ് പുതിയ നിയമനം. ഡോ.എം.ആർ.ബൈജു നിലവിൽ പി.എസ്.സി.അംഗമാണ്.
2017 ജനുവരി 9നാണ് പി. എസ്.സി അംഗമായി ചുമതയേറ്റത്. തിരുവനന്തപുരം അമ്പലമുക്ക് സ്വദേശിയാണ്. എം.ടെക്ക്കാരനാണ്. എഞ്ചിനീയറിയങ്ങിൽ ഡോക്ടറേറ്റ് നേടിയിട്ടുണ്ട്.
തിരുവനന്തപുരം ഗവ: എഞ്ചിനീയറിങ്ങ് കോളജിൽ ഇലക്ട്രോണിക്സ് ആൻറ് കമ്മ്യൂണിക്കേഷനിൽ പ്രഫസറായിരിക്കെയാണ് പി.എസ്.സി.അംഗമായി നിയമിതനായത്.
ഭാര്യ മഞ്ജു.എസ്.ദേവ്. സാഗര, ആരതി കൃഷ്ണ എന്നിവർ മക്കളാണ്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
