രാജ്യത്തിന്റെ ഭരണഘടനയോടും ഫെഡറല്‍ തത്വങ്ങളോടുമുള്ള യുദ്ധപ്രഖ്യാപനമാണ് ഗവര്‍ണ്ണര്‍(Governor) നടത്തുന്നതെന്ന് കേരളാ കോണ്‍ഗ്രസ്സ് (എം) ചെയര്‍മാന്‍ ജോസ് കെ. മാണി(Jose K Mani) എം.പി. രാജഭരണത്തിന്റെയും രാജശാസനകളുടേയും പ്രീതിപ്പെടുത്തലുകളുടേയും കാലം കഴിഞ്ഞുവെന്നും ഇത് ജനാധിപത്യത്തിന്റെ കാലമാണെന്നും ഗവര്‍ണ്ണര്‍ ഓര്‍ക്കണം.
ജനാധിപത്യപരമായി തെരെഞ്ഞെടുക്കപ്പെട്ട സര്‍ക്കാരിന്റെ ഒരു മന്ത്രിയില്‍ പ്രീതിനഷ്ടപ്പെട്ടു എന്ന പ്രഖ്യാപനത്തിലൂടെ ജനാധിപത്യത്തെ തന്നെ ഗവര്‍ണ്ണര്‍ വെല്ലുവിളിക്കുകയാണെന്നും ജോസ് കെ.മാണി പറഞ്ഞു.
ഭരണഘടനയില്‍ പറയുന്ന ‘പ്രീതി’ ഗവര്‍ണറുടെ വ്യക്തിപരമായ പ്രീതിയല്ല: എം വി ഗോവിന്ദന്‍ മാസ്റ്റര്‍
ഭരണഘടനയില്‍ പറയുന്ന പ്രീതി ഗവര്‍ണറുടെ വ്യക്തിപരമായ പ്രീതിയല്ലെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദന്‍ മാസ്റ്റര്‍(M V Govindan Master). ഇക്കാര്യം സുപ്രീം കോടതി തന്നെ വ്യക്തമാക്കിയിട്ടുണ്ട്. ഗവര്‍ണറുടെ നിലപാടുകള്‍ ആര്‍എസ്എസ്-ബിജെപി സമീപനത്തിന്റെ ഭാഗമാണ്. ആ നിലപാടുകള്‍ എങ്ങനെ കേരളത്തില്‍ നടപ്പാക്കാനാകുമെന്ന് നോക്കുകയാണ് ഗവര്‍ണര്‍.
സര്‍വ്വകലാശാല വിഷയം കൂടി ചേര്‍ത്തുവെച്ചല്‍ ഗവര്‍ണറുടെ മനസില്‍ എന്തെന്ന് അറിയാം. ഇത് ഫാസിസ്റ്റ് മാതൃകയാണെന്നും എം വി ഗോവിന്ദന്‍ മാസ്റ്റര്‍ പ്രതികരിച്ചു. ഗവര്‍ണര്‍ സര്‍വ്വകലാശാലയില്‍ സ്വീകരിക്കുന്ന നിലപാട് നിയമപരമായി നേരിടുമെന്നും അദ്ദേഹം പറഞ്ഞു.
ഗവര്‍ണര്‍ ചാന്‍സിലറായി ഇരിക്കണമെന്ന് ഒരു യുജിസി ചട്ടവും പറയുന്നില്ല. ഗവര്‍ണര്‍ ഒരു വിഭാഗം മാധ്യമങ്ങളെ പത്രസമ്മേളനത്തില്‍ നിന്ന് ഒഴിവാക്കി. എന്നിട്ടും മാധ്യമപ്രവര്‍ത്തകര്‍ ഗവര്‍ണര്‍ക്ക് മുന്നിലിരുന്നു. ചോദ്യം ചോദിക്കുന്നവരെ പത്രസമ്മേളനത്തില്‍ നിന്ന് ഒഴിവാക്കിയെന്ന് എം വി ഗോവിന്ദന്‍ മാസ്റ്റര്‍ പറഞ്ഞു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
