SFI പ്രവര്‍ത്തകന് നേരെ RSS അക്രമം

പത്തനംതിട്ട(Pathanamthitta) റാന്നി വെച്ചുചിറയില്‍ എസ്എഫ്‌ഐ(SFI) പ്രവര്‍ത്തകന് നേരെ ആര്‍എസ്എസ്(RSS) അക്രമം. റാന്നി ഏരിയ ജോയിന്റ് സെക്രട്ടറി വൈശാഖ് ചന്ദ്രന് നേരയാണ് ആര്‍എസ്എസ് അക്രമം നടന്നത്. ആറംഗസംഘം ബൈക്കിലെത്തിയാണ് വൈശാഖിനെതിരെ അക്രമണം നടത്തിയത്. വൈശാഖിന്റെ വീടിന്റെ സമീപത്ത് വച്ചായിരുന്നു ആക്രമണം നടന്നത്. സംഭവത്തില്‍ പൊലീസ് വധശ്രമത്തിന് കേസെടുത്തിട്ടുണ്ട്.

ശ്രീനിവാസന്‍ വധക്കേസ്; SDPI സംസ്ഥാന നേതാവ് അറസ്റ്റില്‍

ആര്‍എസ്എസ്(RSS) നേതാവ് ശ്രീനിവാസന്‍ കൊലക്കേസില്‍(Sreenivasan murder) എസ്.ഡി.പി.ഐ സംസ്ഥാന നേതാവ് അറസ്റ്റില്‍. എസ്.ഡി.പി.ഐ സംസ്ഥാന കമ്മിറ്റി അംഗമായിരുന്ന അമീര്‍ അലിയാണ് അറസ്റ്റിലായത്. ഇതോടെ കേസില്‍ അറസ്റ്റിലായവരുടെ എണ്ണം 30 ആയി. വധശ്രമത്തിനുള്ള ഗൂഢാലോചന, പ്രതികളെ സഹായിക്കല്‍, തെളിവ് നശിപ്പിക്കല്‍ എന്നീ കുറ്റങ്ങള്‍ ചുമത്തിയാണ് അമീര്‍ അലിയെ അറസ്റ്റ് ചെയ്തത്. ശ്രീനിവാസന്‍ കൊലപാതകത്തിന് തലേ ദിവസവും അതേദിവസവും പാലക്കാട് ജില്ല ആശുപത്രിയില്‍ നടന്ന ഗൂഢാലോചനയില്‍ അമീര്‍ അലി മുഖ്യപങ്ക് വഹിച്ചതായി കണ്ടെത്തിയതിനെ തുടര്‍ന്നാണ് അറസ്റ്റെന്ന് പൊലീസ് വൃത്തങ്ങള്‍ അറിയിച്ചു.

ശ്രീനിവാസന്‍ വധക്കേസില്‍ കഴിഞ്ഞ ആഴ്ച മറ്റൊരു പ്രതിയും അറസ്റ്റിലായിരുന്നു. കേസില്‍ 37-ാം പ്രതിയായിരുന്ന ബഷീറാണ് അറസ്റ്റിലായത്. പാലക്കാട് വെണ്ണക്കര സ്വദേശിയാണ് ഇയാള്‍. ശ്രീനിവാസന്‍ കൊല്ലപ്പെട്ട ദിവസവും തലേ ദിവസവും ജില്ല ആശുപത്രിയില്‍ നടന്ന ഗൂഢാലോചനയില്‍ ബഷീര്‍ പങ്കെടുത്തായി പൊലീസ് നേരത്തെ കണ്ടെത്തിയിരുന്നു.

ശ്രീനിവാസന്‍ വധക്കേസില്‍ പോപ്പുലര്‍ ഫ്രണ്ട് ജില്ലാ സെക്രട്ടറി അബൂബക്കര്‍ സിദ്ധിഖും നേരത്തെ അറസ്റ്റിലായിരുന്നു. കൊലപാത പ്രേരണ, ഗൂഢാലോചന, പ്രതികളെ സഹായിക്കല്‍, അടക്കം കുറ്റങ്ങള്‍ ചുമത്തിയായിരുന്നു അറസ്റ്റ്. പോപ്പുലര്‍ ഫ്രണ്ട് നേതൃത്വത്തിന്റെ അറിവോടെയാണ് കൊലപാതകമെന്ന് നേരത്തെ പൊലീസ് വ്യക്തമാക്കിയിരുന്നു.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here