മലയാളത്തില് ആരാധകരേറെയുള്ള താരമാണ് ടൊവിനോ തോമസ്(Tovino Thomas). തന്റെ അഭിനയ ജീവിതത്തില് സിനിമയില് പത്തു വര്ഷം പിന്നിട്ടിരിക്കുകയാണ് ടൊവിനോ തോമസ്. ജീവിതത്തെ തന്നെ മാറ്റിമറച്ച തന്റെ സിനിമ ജീവിതത്തെ പറ്റി സോഷ്യല് മീഡിയയില്(Social media) കുറിച്ചിരിക്കുകയാണ് ടൊവിനോ തോമസ്. ‘തല്ലുമാല’ ആണ് ടൊവിനോയുടെ അവസാനമായി തീയറ്ററുകളിലെത്തിയ ചിത്രം. സിനിമയില് പത്ത് വര്ഷം പൂര്ത്തിയാക്കിയതിന്റെ ഈ ദിവസം ഒപ്പം നിന്നവര്ക്ക് നന്ദി പറയുകയാണ് ടൊവിനോ.
View this post on Instagram
ടൊവിനോ കുറിച്ചതിങ്ങനെ:-
’10 വര്ഷം മുമ്പ് ഈ ദിവസം,’പ്രഭുവിന്റെ മക്കള്’ റിലീസ് ചെയ്തു. ഒപ്പം ജീവിതം മാറിമറിഞ്ഞു. അതുവരെ ഒരു യാത്രയായിരുന്നു, അന്നുമുതല് അത് മറ്റൊരു യാത്രയായി. നടനെന്ന നിലയില് 43 സിനിമകളുടെ ഭാഗമാകാനും ഒന്നില് അസിസ്റ്റന്റ് ഡയറക്ടറായി പ്രവര്ത്തിക്കാനുമുള്ള ഭാഗ്യം എനിക്കുണ്ടായി. തിരിഞ്ഞുനോക്കുമ്പോള്, ഈ വര്ഷങ്ങളില് എനിക്ക് ഇതിലും കൂടുതല് അനുഗ്രഹം ലഭിക്കാനില്ലായിരുന്നു – എന്റെ കുടുംബത്തില് നിന്നും സുഹൃത്തുക്കളില് നിന്നുമുള്ള സ്നേഹത്താല്, എന്റെ സഹപ്രവര്ത്തകരുടെയും അഭ്യുദയകാംക്ഷികളുടെയും പിന്തുണയാല്, ആരാധകരുടെയും സിനിമാ പ്രേമികളുടെയും സന്തോഷത്താല്… തീര്ച്ചയായും മറുഭാഗവും അത്ഭുതങ്ങള് ചെയ്തു – വിമര്ശനങ്ങളും പരിഹാസങ്ങളും ട്രോളുകളും… ഇന്ന്, ഈ 10 വര്ഷത്തിനിടയില് മാത്രമല്ല, എന്റെ ജീവിതത്തില് എന്തെങ്കിലും പങ്കുവഹിച്ച എല്ലാവര്ക്കും എന്റെ നന്ദി. എനിക്ക് മുന്നോട്ട് പോകാന് കഴിഞ്ഞതിനാല് ഓരോ ദിവസവും ഒരു നേട്ടമാണെന്ന് ഞാന് വിശ്വസിക്കുന്നു. 10 വര്ഷം തീര്ച്ചയായും സവിശേഷമാണ്, പക്ഷേ എന്റെ പ്രിയപ്പെട്ടവരെ മനസ്സിലാക്കാനും തിരികെ നല്കാനും ഇനിയും കൂടുതല് വഴികള് ഉണ്ടാകുമെന്ന് ഞാന് ആത്മാര്ത്ഥമായി പ്രതീക്ഷിക്കുന്നു.ഇനിയും സ്നേഹം നല്കൂ. പകരമായി ഞാന് നിങ്ങള്ക്ക് എന്റെ ഏറ്റവും മികച്ചത് നല്കും. ഒത്തിരി സ്നേഹം, ടൊവി’.
ടൊവിനോ തോമസ് ഒട്ടേറെ പ്രതിസന്ധികളിലൂടെയാണ് എത്തിയത്. ഒരു ദുല്ഖര് സല്മാന് ചിത്രത്തിലെ അസ്സിസ്റ്റന്റ്റ് ആയി തുടങ്ങി, മറ്റൊരു ദുല്ഖര് സല്മാന് സിനിമയില് വില്ലനായി അരങ്ങേറ്റം കുറിച്ചു, ഹ്രസ്വ കഥാപാത്രങ്ങളില് എത്താനും മടിയുണ്ടായില്ല. ഒടുവില് ഒരു മുന്നിര താരമായി രൂപാന്തരപ്പെട്ടു. തല്ലുമാല എന്ന ചിത്രമാണ് ഏറ്റവും ഒടുവില് പ്രേക്ഷകരിലേക്ക് എത്തിയത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here