2022 ലെ മൂന്നാം പാദത്തില്‍ ഫേസ്ബുക്ക്(Facebook) മാതൃകമ്പനിയായ മെറ്റയുടെ വരുമാനത്തില്‍ നാല് ശതമാനം ഇടിഞ്ഞു. മെറ്റയുടെ ഏറ്റവും വലിയ പ്ലാറ്റ്‌ഫോമായ ഫേസ്ബുക്ക് ആപ്പിന് മൂന്നാംപാദത്തില്‍ ശരാശരി 1.984 ബില്യണ്‍ പ്രതിദിന സജീവ ഉപയോക്താക്കളുണ്ടെന്നാണ് മെറ്റ പറയുന്നത്. മുന്‍ പാദത്തെ അപേക്ഷിച്ച് ഏകദേശം 16 ദശലക്ഷത്തിലധികം അംഗങ്ങള്‍ കൂടുതലാണ് ഇത്.
2021 അവസാന പാദത്തില്‍ ദിവസം ഫേസ്ബുക്ക് ഉപയോഗിക്കുന്നവരുടെ എണ്ണം ഏകദേശം 1 ദശലക്ഷം ഇടിഞ്ഞിരുന്നുവെന്നാണ് വെറൈറ്റി റിപ്പോര്‍ട്ട് പറയുന്നത്. അതേ സമയം മെറ്റയുടെ പ്രധാന വരുമാനമായ പരസ്യ വരുമാനത്തില്‍ കുറവ് വരുന്നതും. അതേ സമയം ചിലവ് കൂടുന്നതുമാണ് വരുമാനം ഇടിയാന്‍ കാരണമായത് എന്നാണ് റിപ്പോര്‍ട്ട്. പ്രധാനമായും മെറ്റയുടെ മെറ്റവേര്‍സ് ശ്രമങ്ങള്‍ക്ക് വലിയ തോതില്‍ പണം ചിലവഴിക്കുന്നെങ്കിലും അത് വരുമാനം ഒന്നും ഇതുവരെ നല്‍കുന്നില്ലെന്നാണ് വാള്‍ സ്ട്രീറ്റ് ജേര്‍ണല്‍ റിപ്പോര്‍ട്ട് പറയുന്നത്.
വെറൈറ്റി റിപ്പോര്‍ട്ട് പ്രകാരം 2022 മൂന്നാം പാദത്തില്‍ മെറ്റാ മൊത്തം വരുമാനം 27.71 ബില്യണ്‍ ഡോളറും അറ്റവരുമാനം 4.4 ബില്യണ്‍ യുഎസ് ഡോളറുമാണ്. ഇത് നേരത്തെ വാള്‍ സ്ട്രീറ്റ് ജേര്‍ണല്‍ പ്രവചിച്ച വരുമാനത്തേക്കാള്‍ കുറവാണ് എന്നാണ് റിപ്പോര്‍ട്ടുകള്‍ പറയുന്നത്. മുന്‍പുള്ള പാദത്തില്‍ വരുമാനത്തില്‍ 1 ശതമാനം നഷ്ടമാണ് മെറ്റ നേരിട്ടത്.
ആല്‍ഫബെറ്റും (ഗൂഗിളിന്റെയും യൂട്യൂബിന്റെയും മാതൃകമ്പനി) 2022 മൂന്നാം പാദത്തില്‍ വരുമാന നഷ്ടം റിപ്പോര്‍ട്ട് ചെയ്തു. ഈ കാലയളവില്‍ പരസ്യവരുമാനത്തില്‍ ഗൂഗിളിനും വലിയ ഇടിവ് സംഭവിച്ചുവെന്നാണ് വിവരം.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
