ചപ്പാത്തിക്കും അപ്പത്തിനും കിടിലൻ കോമ്പിനേഷൻ | Cauliflower Recipe

ചപ്പാത്തിക്കും അപ്പത്തിനും കിടിലൻ കോമ്പിനേഷനാ ഈ കോളിഫ്ളവർ കറി.

ആവശ്യമായ സാധനങ്ങള്‍

1.കോളിഫ്‌ളവർ – ഒന്ന്

2.വെള്ളം – പാകത്തിന്

ഉപ്പ് – പാകത്തിന്‌‌

മഞ്ഞൾപ്പൊടി – ഒരു ചെറിയ സ്പൂൺ

3.എണ്ണ – രണ്ടു വലിയ സ്പൂൺ

4.പെരുംജീരകം – അര ചെറിയ സ്പൂൺ

ജീരകം – അര ചെറിയ സ്പൂൺ

കറിവേപ്പില – ഒരു തണ്ട്

5.സവാള – ഒന്ന്, പൊടിയായി അരിഞ്ഞത്

6.തക്കാളി – ഒന്ന്

7.ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ

മഞ്ഞൾപ്പൊടി – അര ചെറിയ സ്പൂൺ

മുളകുപൊടി – ഒരു വലിയ സ്പൂൺ

മല്ലിപ്പൊടി – ഒരു വലിയ സ്പൂൺ

ഉപ്പ് – പാകത്തിന്

8.തേങ്ങാപ്പാൽ – അരക്കപ്പ്

9.കുരുമുളകുപൊടി – ഒരു ചെറിയ സ്പൂൺ

10.മല്ലിയില, പൊടിയായി അരിഞ്ഞത് – കാൽ കപ്പ്

പാകം ചെയ്യുന്ന വിധം

∙കോളിഫ്‌ളവർ വൃത്തിയാക്കി പൂക്കളായി അടർത്തി വയ്ക്കണം.

∙വെള്ളത്തിൽ ഉപ്പും മഞ്ഞൾപ്പൊടിയും ചേർത്തു തിളപ്പിച്ച ശേഷം കോളിഫ്ളവർ ചേർത്തു വേവിച്ചൂറ്റി വയ്ക്കുക.

∙പാനിൽ എണ്ണ ചൂടാക്കി നാലാമത്തെ ചേരുവ പൊട്ടിക്കുക.

∙ഇതിലേക്ക് സവാള ചേർത്തു വഴറ്റണം.

∙വഴന്നു വരുമ്പോൾ തക്കാളി ചേർത്തു വഴറ്റി ഏഴാമത്തെ ചേരുവ ചേർത്തു വഴറ്റുക.

∙പൊടികൾ മൂത്തു വരുമ്പോൾ വേവിച്ചു വച്ചിരിക്കുന്ന കോളിഫ്‌ളവർ ചേർത്തു യോജിപ്പിക്കുക.

∙ശേഷം തേങ്ങാപ്പാലും കുരുമുളകുപൊടിയും ചേർത്ത് ഇളക്കി വാങ്ങുക.

∙മല്ലിയില വിതറി വിളമ്പാം.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.