ലോകത്താകമാനമുള്ള സിനിമാ പ്രേമികള് കാത്തിരിക്കുന്ന ചിത്രം ‘അവതാര് 2’ (അവതാര്: ദ് വേ ഓഫ് വാട്ടര്) ട്രെയിലര് എത്തി. ഈ വര്ഷം ഡിസംബര് 16ന് ചിത്രം തിയേറ്ററുകളിലെത്തും.
ബോക്സ് ഓഫീസ് ഹിറ്റ് ചിത്രം അവതാറിന്റെ തുടര്ച്ചയാണ് അവതാര് 2. 2009ലാണ് ചിത്രത്തിന്റെ ആദ്യ ഭാഗം റിലീസ് ചെയ്തത്. സാം വര്തിങ്ടണ്, സോ സല്ദാന, സ്റ്റീഫന് ലാങ്, മാട്ട് ജെറാള്ഡ്, ക്ലിഫ് കര്ടിസ്, കേറ്റ് വിന്സ്ലെറ്റ് എന്നിവരാണ് പ്രധാന അഭിനേതാക്കള്. അവതാര് 2ഉം 3ഉം കൂടുതലും സമുദ്രത്തിലും പരിസരത്തുമാണ് സജ്ജീകരിച്ചിരിക്കുന്നത്.
രണ്ടാം ഭാഗത്തില് മെറ്റ്കയിന എന്ന പേരിലുള്ള പാറകളില് വസിക്കുന്ന നവിയുടെ ഒരു പുതിയ വംശത്തെ അവതരിപ്പിക്കുന്നു. അവതാറിന്റെ ആദ്യഭാഗം കാടുകളെക്കുറിച്ചും വനനശീകരണത്തിനെതിരെയും ആയിരുന്നു. പുതിയ ചിത്രത്തില് ഉഷ്ണമേഖലാ ബീച്ചുകളും പാന്ഡോറ തീരങ്ങളും ഒരു കടല്ത്തീര സ്വര്ഗമായി ചിത്രത്തില് വിവരിക്കപ്പെടുന്നു.
അവതാറിന്റെ ആദ്യ ഭാഗത്തിന് ശേഷം പാന്ഡോറിലെ ‘നവി’യെന്ന അന്യഗ്രഹജീവികളുടെ ജീവിതം നാല് ഭാഗങ്ങളിലായി പ്രേക്ഷകര്ക്ക് മുന്നിലെത്തിക്കുമെന്ന് കാമറൂണ് പ്രഖ്യാപിച്ചിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here