ഷാരോണ് വധക്കേസില്(Sharonmurder) പ്രതി ഗ്രീഷ്മ(Greeshma) 7 ദിവസത്തെ പൊലീസ് കസ്റ്റഡിയില്(police custody). ഗ്രീഷ്മയെ ഏഴ് ദിവത്തേക്കും, അമ്മ സിന്ധുവിനെയും അമ്മാവന് നിര്മല് കുമാറിനെയും നാലു ദിവസത്തേക്കുമാണ് നെയ്യാറ്റിന്കര കോടതി കസ്റ്റഡിയില് വിട്ടത്.
ഇരു വിഭാഗങ്ങളുടെയും വാദപ്രതിവാദങ്ങള്ക്കൊടുവിലാണ് ഗ്രീഷ്മയെ 7 ദിവസത്തെ കസ്റ്റഡിയില് വിട്ടത്. 7 ദിവസം കസ്റ്റഡിയില് വേണമെന്ന ആവശ്യം പ്രോസിക്യൂഷന് ഉന്നയിച്ചപ്പോള് പ്രതിഭാഗം ശക്തമായി എതിര്ത്തു. മറ്റ് പ്രതികളെ 5 ദിവസത്തേക്കല്ലേ കസ്റ്റഡിയില് ആവശ്യപ്പെട്ടത് എന്ന് കോടതിയും ചോദിച്ചു. ഗ്രീഷ്മയാണ് മുഖ്യപ്രതി എന്നായിരുന്നു പ്രോസിക്യൂഷന്റെ വാദം.
ഷാരോണും ഗ്രീഷ്മയും തമിഴ്നാട്ടില് പലയിടത്തും പോയിട്ടുണ്ടെന്നും അവിടെ കൊണ്ടുപോയി തെളിവെടുക്കാന് 7 ദിവസം വേണമെന്നുമുള്ള ആവശ്യം കോടതി അംഗീകരിക്കുകയായിരുന്നു. ഗ്രീഷ്മയ്ക്ക് വൈദ്യസഹായം ഉറപ്പാക്കണമെന്നും കോടതി നിര്ദേശിച്ചു. ഗൂഢാലോചന ഉണ്ടായിട്ടില്ലെന്നും മുറിക്കുള്ളില് എന്താണ് സംഭവിച്ചത് എന്ന് ആര്ക്കുമറിയില്ലെന്നും പ്രതിഭാഗം വാദിച്ചു. വിഷം കൊണ്ടുവന്നത് ഷാരോണ് ആയിക്കൂടെ എന്നും പ്രതിഭാഗം ചോദിച്ചു.
ഷാരോണിന്റെ മരണമൊഴിയില് ഗ്രീഷ്മയെ കുറിച്ചൊന്നും പറയുന്നില്ല എന്ന വാദവും പ്രതിഭാഗം ഉന്നയിച്ചു. ഗ്രീഷ്മയുടെ സ്വകാര്യ ചിത്രങ്ങള് ഷാരോണിന്റെ പക്കലുണ്ടായിരുന്നു. അതേക്കുറിച്ചും അന്വേഷണം വേണം. ഗ്രീഷ്മയുടെ ഭാഗത്തു നിന്നു കൂടി ചിന്തിക്കണമെന്നും പ്രതിഭാഗം അഭിഭാഷകന് പറഞ്ഞു. ഗ്രീഷ്മയുടെ മാതാപിതാക്കള്ക്ക് ഒറ്റ മകളേ ഉള്ളൂ എന്നത് കണക്കിലെടുക്കണമെന്നും ഗ്രീഷ്മയുടെ അഭിഭാഷകന് വാദിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here