കുഞ്ഞുങ്ങൾക്ക് അവകാശങ്ങളുണ്ടെന്നും ആ അവകാശങ്ങൾ ഉറപ്പാക്കണമെന്നും മന്ത്രി വീണാ ജോർജ്(Veena George). അതിന് പൊതുസമൂഹത്തിൽ ബോധവൽക്കരണം നടത്തണം. വീടിനുള്ളിലും, ക്ലാസിലും കുട്ടികൾക്ക് ആശയവിനിമയത്തിന് അവസരം ഉണ്ടാകണം. കുട്ടികൾക്ക് പറയാനുള്ളത് സർക്കാർ കേൾക്കുമെന്നും അതിനായി മാസത്തിൽ രണ്ട് തവണ കുട്ടികൾക്ക് പറയാനുള്ളത് കേൾക്കാൻ അവസരം ഒരുക്കുമെന്നും മന്ത്രി പറഞ്ഞു.
ഉജ്ജ്വല ബാല്യ പുരസ്കാര വിതരണവേദിയിൽ സംസാരിക്കുകയായിരുന്നു മന്ത്രി. അസാധാരണമായ എന്ത് അനുഭവവും കുട്ടികൾ രക്ഷിതാക്കളോടും, അധ്യാപകരോടും പറയണം. ഓരോ കുഞ്ഞും സ്നേഹവും, കരുതലും, സംരക്ഷണവും അർഹിക്കുന്നുണ്ട്. കുട്ടികളുടെ അവകാശങ്ങൾ സംരക്ഷിക്കേണ്ടത് പൊതുസമൂഹം കൂടിയാണെന്നും മന്ത്രി ഓർമപ്പെടുത്തി. ഉജ്വല ബാല്യ പുരസ്‌കാരത്തിന് അർഹരായ കുട്ടികളെ മന്ത്രി അഭിനന്ദിച്ചു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
