കിരീടം നിലനിര്ത്താന് ഒരുങ്ങുന്ന ഫ്രാന്സിന് തിരിച്ചടി. പ്രതിരോധത്തിലെ കരുത്തന് പ്രെസ്നെല് കിംപെമ്പെ പരിക്കേറ്റ് പുറത്തായി. പരിക്കുമാറി കളത്തില് തിരിച്ചെത്തിയിരുന്നു പിഎസ്ജിക്കാരന്. എന്നാല്, ഫ്രാന്സിനായുള്ള പരിശീലനത്തിനിടെ ബുദ്ധിമുട്ടനുഭവപ്പെട്ടു. തുടര്ന്നുള്ള പരിശോധനയില് വിശ്രമം ആവശ്യമാണെന്ന് ഡോക്ടര്മാര് അറിയിച്ചു.
മൊണാകോയുടെ അക്സെല് ദിസാസിയാണ് പകരക്കാരന്. ഈ ഇരുപത്തിനാലുകാരന് ആദ്യമായാണ് ദേശീയ ടീമില് ഉള്പ്പെടുന്നത്. നേരത്തേ 25 അംഗ ടീമിനെയായിരുന്നു പരിശീലകന് ദിദിയെര് ദെഷാം പ്രഖ്യാപിച്ചത്.
അവസാനക്കാരനായി മുന്നേറ്റക്കാരന് മാര്കസ് തുറാമിനെ ഉള്പ്പെടുത്തി. മുന്താരം ലിലിയന് തുറാമിന്റെ മകനാണ് മാര്കസ്. ബൊറൂസിയ മൊണ്ചെന്ഗ്ലാദ്ബ താരമാണ് ഈ മുന്നേറ്റക്കാരന്. സീസണില് 13 ഗോളും നാല് ഗോളവസരങ്ങളും ഒരുക്കി. മാര്കസിന്റെ വരവോടെ ഫ്രാന്സിന് എട്ട് മുന്നേറ്റക്കാരായി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here