ശബരിമല മണ്ഡല മകരവിളക്ക് തീര്ത്ഥാടനത്തിന് തുടക്കം. ഇന്ന് പുലര്ച്ചെ 3 ന് നട തുറന്നു. 3.45 മുതല് 7 മണി വരെയും 8 മണി മുതല് 11 മണി വരെയും നെയ്യഭിഷേകം നടത്താം. ഉച്ചപൂജയ്ക്ക് ശേഷം 1 മണിക്ക് അടയ്ക്കുന്ന നട വൈകീട്ട് 4 മണിക്ക് വീണ്ടും തുറക്കും . ഹരിവരാസനം പാടി രാത്രി 11 ന് നട അടയ്ക്കും. ഇന്നലെ വൈകീട്ട് നടതുറന്നതുമുതല് തീര്ത്ഥാടകരുടെ വന് തിരക്കാണ് അനുഭവപ്പെടുന്നത്.
മേല്ശാന്തി കെ.ജയരാമന് നമ്പൂതിരിയാണ് ശ്രീകോവില് തുറന്നു ദീപം തെളിച്ചത്. അറുപതിനായിരത്തോളം ഭക്തരാണ് ബര്ത്ത് വഴി മാത്രം ഇന്നത്തേക്ക് ബുക്ക് ചെയ്തത്.ഇതിനുപുറമെ 12 സ്ഥലങ്ങളിലുള്ള സ്പോട്ട് ബുക്കിങ്ങിലൂടെയും തീര്ത്ഥാടകര് സന്നിധാനത്തേക്ക് എത്തും. തിരക്ക് കൂടുന്നതിനനുസരിച്ച് കൂടുതല് ക്രമീകരണങ്ങള് ഒരുക്കാനാണു ദേവസം ബോര്ഡിന്റെ തീരുമാനം.
കോവിഡിനെ തുടര്ന്നുണ്ടായി രണ്ടു വര്ഷത്തെ ഇടവേളക്ക് ശേഷം സത്രം – പുല്ലുമേട് – സന്നിധാനം പരമ്പരാഗത കാനന പാതയിലൂടെ ഇന്ന് മുതല് ഭക്തരെ കടത്തി വിടും. രാവിലെ ഏഴു മുതല് ഉച്ച കഴിഞ്ഞ രണ്ടു വരെയാണ് കടത്തി വിടുക. മണ്ഡലകാലത്തെ സുരക്ഷക്കായി 360 പോലീസുകാരെ വിവിധ സ്ഥലങ്ങളിലായി വിന്യസിച്ചതായി എസ് പി വിയു കുര്യാക്കോസ് പറഞ്ഞു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here