സംസ്ഥാന രാഷ്ട്രീയത്തില് സജീവമാകുന്നതിന്റെ മുന്നോടിയായുള്ള ശശി തരൂരിന്റെ മലബാര് പര്യടനം റദ്ദാക്കിയതിനെതിരെ യൂത്ത് കോണ്ഗ്രസ് നേതാവ് ശബരീനാഥന്. മലബാറിന്റെ മണ്ണില് കോണ്ഗ്രസിന്റെ മതേതര സ്വഭാവം ഉയര്ത്തികാട്ടുവാന് ഈ പ്രോഗ്രാമിലൂടെ ഡോ: ശശി തരൂരിന് കഴിയുമായിരുന്നവെന്നും എന്നാല് ഈ പ്രോഗ്രാം മാറ്റുവാന് ചില കേന്ദ്രങ്ങളില് നിന്ന് നിര്ദേശം വന്നു എന്ന് മാധ്യമങ്ങള് മുഖാന്തരം അറിഞ്ഞു. ഈ വിവാദം ഒഴിവാക്കാമായിരുന്നുവെന്നും ശബരീനാഥ് ഫേസ്ബുക്കില് കുറിച്ചു. ശശി തരൂരിനെ പോലൊരാള്ക്ക് ഈ ലോകത്തില് വേദികള്ക്ക് ദൗര്ലഭ്യമില്ലെന്നും ശബരീനാഥ് പറഞ്ഞു.
കുറിപ്പ്
‘സംഘപരിവാറും മതേതരത്വം നേരിടുന്ന വെല്ലുവിളികളും എന്ന വിഷയത്തില് യൂത്ത് കോണ്ഗ്രസ് കോഴിക്കോട് ജില്ലാ കമ്മിറ്റി നാളെ നടത്താന് ഉദ്ദേശിച്ചിരുന്ന പ്രോഗ്രാം കോണ്ഗ്രസ് പാര്ട്ടിയുടെ നിലപാട് തന്നെയാണ് . മലബാറിന്റെ മണ്ണില് കോണ്ഗ്രസിന്റെ മതേതര സ്വഭാവം ഉയര്ത്തികാട്ടുവാന് ഈ പ്രോഗ്രാമിലൂടെ ഡോ: ശശി തരൂരിന് കഴിയുമായിരുന്നു. എന്നാല് ഈ പ്രോഗ്രാം മാറ്റുവാന് ചില കേന്ദ്രങ്ങളില് നിന്ന് നിര്ദേശം വന്നു എന്ന് മാധ്യമങ്ങള് മുഖാന്തരം അറിഞ്ഞു.
മഹാരാഷ്ട്രയുടെ മണ്ണില് ഭാരത് ജോടോ യാത്രയുടെ ഭാഗമായി സവര്ക്കര്ക്കെതിരെ ഇന്നലെ രാഹുല് ഗാന്ധി മുഖം നോക്കാതെ നടത്തിയ പ്രസ്താവനകള് പാര്ട്ടിക്ക് ആവേശം നല്കുമ്പോള് ഇവിടെ എന്തിനാണ് ഈ നടപടി ? സമാനമായ ആശയമല്ലേ ഈ വേദിയില് കൈപ്പത്തി ചിഹ്നത്തില് കോണ്ഗ്രസ് MPയായി മൂന്ന് വട്ടം വിജയിച്ച ശ്രീ ശശി തരൂരും പങ്കിടുമായിരുന്നത്…അത് കോണ്ഗ്രസിന് നല്കുന്ന രാഷ്ട്രീയ പ്രാധാന്യം എന്ത് മികവുറ്റതാകുമായിരുന്നു.
പിന്നെ ഒരു കാര്യം കൂടി , അദ്ദേഹത്തിനാണോ ഈ ലോകത്തില് വേദികള്ക്ക് ദൗര്ലഭ്യം? ഈ വിവാദം ഒഴിവാക്കാമായിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here