ശബരിമല ഇറങ്ങിവന്ന മന്ത്രി കെ.രാധകൃഷ്ണന് പേശിവലിവ് മൂലം ബുദ്ധിമുട്ടുന്ന തീര്ത്ഥാടകന്റെ കാല്തിരുമി നല്കുന്ന ചിത്രം കഴിഞ്ഞ ദിവസങ്ങളില് സോഷ്യല് മീഡിയയില് വൈറലായിരുന്നു.
മന്ത്രിയുടെ പ്രവൃത്തിയെ അഭിനന്ദിച്ച് നിരവധി പേരാണ് രംഗത്ത് വന്നത്. ചിത്രം സോഷ്യല് മീഡിയയും ഏറ്റെടുത്തിരുന്നു. മന്ത്രി കെ രാധാകൃഷ്ണന്റെ വൈറല് ചിത്രം വന്നവഴി ഇങ്ങനെ. ഫോട്ടാഗ്രാഫര് എഴുതുന്നു.
കുറിപ്പ്:-
മണ്ഡല-മകരവിളക്ക് മഹോത്സവത്തോടനുബന്ധിച്ച് സന്നിധാനത്തെ ആദ്യ രണ്ട് ദിവസങ്ങളിലെ ഡ്യൂട്ടിയും പൂര്ത്തിയാക്കി പമ്പയില് കല്ല് പാകി നവീകരിച്ച പരമ്പരാഗത പാതയുടെ ഉദ്ഘാടനം ബഹു. ദേവസ്വം വകുപ്പ് മന്ത്രി ശ്രീ. കെ രാധാകൃഷ്ണന് അവറുകള് ഉദ്ഘാടനം ചെയ്യുന്നത് കവര് ചെയ്യാന് ഞാനും കണ്ടന്റ് എഡിറ്റര് വൈശാഖും ഓഫീസിലെ രതീഷ് ചേട്ടനും മലയിറങ്ങുമ്പോഴാണ് മരക്കൂട്ടത്തിന് സമീപം കുറച്ച് അകലെയായി ആള്ക്കൂട്ടം കണ്ടത്. മലകയറി വരുന്ന സ്വാമിമാരുടെയും കുഞ്ഞു മാളികപ്പുറങ്ങളുടെയും ചിത്രങ്ങള് ക്യാമറയില് പകര്ത്തി അല്പം പുറകിലായാണ് ഞാന് നടന്നു വന്നത്. മന്ത്രിയും ദേവസ്വം ബോര്ഡ് പ്രസിഡന്റും, അഡ്വ.കെ.യു ജനീഷ് കുമാര് എം.എല്എയും, ഐ.ജി പി വിജയന് സാറും ഞങ്ങള്ക്ക് മുന്നിലായി ഏറെ ദൂരം നടന്നു കഴിഞ്ഞിരുന്നു. ആള്ക്കൂട്ടം ശ്രദ്ധിക്കാതെ പിറകിലായി പതുക്കെ നടന്നു വന്ന എന്റെയടുത്ത് വൈശാഖ് ഓടിവന്ന് പേശീവലിവിനെത്തുടര്ന്ന് തളര്ന്ന തീര്ത്ഥാടകന്റെ കാല് മന്ത്രി പരിചരിക്കുന്നു , ഓടി വന്നാല് പടം കിട്ടും എന്ന് പറഞ്ഞു. ഞാന് വേഗം ഓടി ചെന്ന് കൂടി നിന്നവരുടെ ഇടയില് കൂടി മുന്നിലേയ്ക്ക് കയറി രണ്ട് മൂന്ന് പടം എടുത്തു. ക്യാമറ സെറ്റ് ചെയ്യാന് പോലും സമയം കിട്ടിയില്ല. സത്യത്തില് മലകയറി കാലില് മസില് കേറി വിഷമിച്ച സ്വാമിയെ മന്ത്രി പരിചരിച്ച് തീരുന്ന സമയത്താണ് ഞാന് ചെന്നത്. എന്തായാലും വൈശാഖ് പറഞ്ഞത് കൊണ്ട് ഇങ്ങനെയൊരു പടം കിട്ടി. ആദ്യമായാണ് ഒരു മന്ത്രി ഇങ്ങനെ ചെയ്യുന്നത് എന്ന് ഐ.ജി. വിജയന് സാര് എന്നോട് പറഞ്ഞു. എന്തായാലും സോഷ്യല് മീഡിയയില് പടം വൈറല് ആയതില് സന്തോഷം. ഫോട്ടോഗ്രാഫി ജീവിതത്തിലെ അവിസ്മരണീയ നിമിഷങ്ങളിലൊന്ന്. ഈശ്വരനും ഗുരുക്കന്ന്മാര്ക്കും ഒപ്പം കാരണക്കാരനായ വൈശാഖിനും നന്ദി, സ്നേഹം. ഷെയര് ചെയ്ത് സപ്പോര്ട്ട് ചെയ്ത എല്ലാ സുഹൃത്തുക്കള്ക്കും ആത്മ മിത്രങ്ങള്ക്കും നന്ദി. മനുഷ്യ സ്നേഹിയായ, സാധാരണക്കാരില് സാധാരണക്കാരനായ, ബഹുമാനപ്പെട്ട ദേവസ്വം വകുപ്പ് മന്ത്രി കെ രാധാകൃഷ്ണന് എന്ന ചേലക്കരക്കാരുടെ പ്രീയപ്പെട്ട രാധേട്ടാ..
നിങ്ങള് പൊളിയാണ് ??
വേറെ ലെവല്
അഭിമാനം
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here