ലോകത്തെ ഏറ്റവും വലിയ അഗ്നി പര്വ്വതമായ മൗന ലോവ പൊട്ടിത്തെറിച്ചു. ദ്വീപിന്റെ കിഴക്ക്-പടിഞ്ഞാറന് ഭാഗങ്ങള് തമ്മില് ബന്ധിപ്പിക്കുന്ന ഈ ഹൈവെയില് നിന്നാല് അഗ്നിപര്വ്വതത്തിന്റെ ദൃശ്യങ്ങള് കാണാം. 38 വര്ഷത്തിന് ശേഷമാണ് യുഎസിലെ ഹവാലി ദ്വീപിലുള്ള ഈ അഗ്നിപര്വ്വതം പൊട്ടിത്തെറിക്കുന്നത്.
അഗ്നിപര്വ്വതം പൊട്ടിത്തെറിച്ചതോടെ ചാരവും അവശിഷ്ടങ്ങളും അന്തരീക്ഷത്തില് നിറഞ്ഞിരിക്കുകയാണ്. തുടര്ന്നുണ്ടായ ലാവ ഒഴുക്ക് കാണാന് നിരവധിപേരാണ് ഈ പ്രദേശത്തേക്ക് എത്തിയത്. ഇതോടെ, ഹവാലി ഹൈവേയില് വന് ഗതാഗത കുരുക്ക് രൂപപ്പെട്ടു. ഹൈവേയില് നിന്ന് പത്തു കിലോമീറ്റര് അകലെയാണ് ലാവ പരന്നൊഴുകുന്നത്.
1984ല് ആണ് മൗന ലോവ അവസാനമായി പൊട്ടിത്തെറിച്ചത്. രണ്ടുദിവസത്തിനുള്ളില് ഹൈവെയിലേക്ക് ലാവ എത്തുമെന്ന് ഹവാലിയന് വോള്ക്കാനോ ഒബ്സര്വേറ്ററി സൈന്റിസ്റ്റ് ഇന്ചാര്ജ് കെന് ഹോന് പറഞ്ഞു. ഇതിനോടകം തന്നെ ലാവ ഒബ്സര്വേറ്ററിയെ കടന്നു പോയിക്കഴിഞ്ഞു. ഇതിനാല് ഈ മേഖലയില് വൈദ്യുതി ബന്ധം വിച്ഛേദിച്ചിരിക്കുകയാണ്.
അഗ്നിപര്വ്വതം പൊട്ടിത്തെറിച്ചതിന് ശേഷം, ഇവിടുത്തെ സൂര്യോദയം കാണാനും വന് തിരക്കാണ്. സൂര്യനും അഗ്നിപര്വ്വതവും ഒരുപോലെ തിളങ്ങിനില്ക്കുന്നത് കാണാന് ഉറങ്ങാതെ കാത്തിരുന്ന് വന്നവരുമുണ്ട്. പ്രകൃതി അതിന്റെ വിശ്വരൂപം കാണിച്ചുതരുന്നത് നേരില് കാണാനാണ് തങ്ങള് എത്തിയത് എന്നാണ് ആളുകള് പ്രതികരിക്കുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
Update on the Mauna Loa eruption 11/29 7:26am #MaunaLoa #MaunaLoaErupts #volcano #hawaii #paradisehelicopters pic.twitter.com/yF9tL3ORll
— Paradise Helicopters (@Paradisecopters) November 29, 2022
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here