വിദ്യാര്ത്ഥിനി ട്രെയിനില് നിന്നും തെറിച്ചു വീണു. വര്ക്കല ഇടവ റെയില്വേ ഗേറ്റിന് സമീപമാണ് സംഭവം. ചേര്ത്തല സ്വദേശി സൂര്യയാണ് അപകടത്തില്പ്പെട്ടത്. ഗുരുവായൂര് തിരുവനന്തപുരം ഇന്റര്സിറ്റി എക്സ്പ്രസ്സില് നിന്നുമാണ് പെണ്കുട്ടി തെറിച്ചു വീണത്. തിരുവനന്തപുരം യൂണിവേഴ്സിറ്റി കോളജിലെ മൂന്നാം വര്ഷ ബിരുദ വിദ്യാര്ഥിനിയാണ് സൂര്യ.
സൂര്യയെ ഗുരുതര പരിക്കുകളോടെ വര്ക്കല താലൂക്ക് ആശുപത്രിയില് പ്രവേശിപ്പിച്ചു.
‘ഹിഗ്വിറ്റ’ സിനിമാ വിവാദം; ഫിലിം ചേംബര് വിളിച്ച യോഗം ഇന്ന്
ഹിഗ്വിറ്റ സിനിമാ വിവാദവുമായി ബന്ധപ്പെട്ട് ഫിലിം ചേംബര് വിളിച്ച യോഗം ഇന്ന് നടക്കും.സിനിമയുടെ പേരുമായി ബന്ധപ്പെട്ടുണ്ടായ പ്രശ്നം സംബന്ധിച്ച് അണിയറപ്രവര്ത്തകരുമായാണ് ചര്ച്ച നടത്തുക. എന് എസ് മാധവന് എഴുതിയ ഹിഗ്വിറ്റ എന്ന കഥയുടെ പേര് സിനിമയ്ക്ക് ഉപയോഗിക്കുന്നതുമായി ബന്ധപ്പെട്ടാണ് വിവാദം ഉയര്ന്നുവന്നത്. തന്റെ കഥയുടെ പേര് സിനിമയ്ക്ക് ഉപയോഗിക്കുന്നതില് എന് എസ് മാധവന് എതിര്പ്പറിയിച്ചിരുന്നു.
എന്നാല് മൂന്ന് വര്ഷം മുന്പ് പണമടച്ച് പേര് ഫിലിം ചേംബറില് രജിസ്റ്റര് ചെയ്തിരുന്നുവെന്ന് അണിയറ പ്രവര്ത്തകര് ചൂണ്ടിക്കാട്ടിയിരുന്നു. കാലാവധി കഴിഞ്ഞതിനാല് വീണ്ടും പണമടച്ച് രജിസ്റ്റര് ചെയ്തിരുന്നു. ഇക്കാര്യങ്ങള് ഇന്ന് നടക്കുന്ന ചര്ച്ചയില് ഫിലിം ചേംബറിനെ ബോധ്യപ്പെടുത്താനാണ് അണിയറ പ്രവര്ത്തകരുടെ തീരുമാനം.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here