രഹ്ന ഫാത്തിമക്ക് ജാമ്യ വ്യവസ്ഥയില്‍ ഇളവ് നല്‍കരുതെന്ന് സംസ്ഥാനം. സംസ്ഥാനം സുപ്രീം കോടതിയില്‍ സത്യവാങ്മൂലം സമര്‍പ്പിച്ചു. കോടതി നല്‍കിയ വ്യവസ്ഥകള്‍ രഹ്ന പലതവണ ലംഘിച്ചെന്ന് സത്യവാങ്മൂലത്തില്‍ പറയുന്നു.
ജാമ്യ വ്യവസ്ഥയില്‍ ഇളവ് ആവശ്യപെട്ട് രഹ്ന ഫാത്തിമ നല്‍കിയ ഹര്‍ജി തള്ളണമെന്നും സംസ്ഥാന സര്‍ക്കാര്‍ സുപ്രീം കോടതിയെ അറിയിച്ചു. ഹൈക്കോടതി നല്‍കിയ ജാമ്യത്തിലെ വ്യവസ്ഥകള്‍ ലഘൂകരിക്കണമെന്ന് ആവശ്യപെട്ട് രഹ്ന നേരത്തേ സൂപ്രീം കോടതിയെ സമീപിച്ചിരുന്നു. മതവിശ്വാസത്തെ അവഹേളിക്കാന്‍ ശ്രമിച്ചെന്നും മത വികാരം വ്രണപെടുത്തുന്ന തരത്തിലുള്ള പോസ്റ്റുകള്‍ സമൂഹ മാധ്യമങ്ങളില്‍ പ്രസിദ്ധീകരിച്ചെന്നുള്ള പരാതിയിലാണ് കേസ് എടുത്തത്.
ശബരിമല ദര്‍ശനത്തിന് ശ്രമിച്ച രഹ്ന ഫാത്തിമയ്‌ക്കെതിരെ പത്തനംതിട്ട പോലിസെടുത്ത കേസിലെ ജാമ്യവുമായി ബന്ധപ്പെട്ടാണ് സുപ്രീം കോടതിയിലെ സത്യവാങ്മൂലം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
