ഷാരൂഖിനെ ജീവനോടെ കത്തിക്കുമെന്ന് യുപിയിലെ സന്യാസി

ഷാരൂഖ് ഖാൻ -ദീപക പദുകോൺ ചിത്രമായ പത്താൻ ചൂണ്ടിക്കാട്ടി ഷാരൂഖ് ഖാനെ ജീവനോടെ കത്തിക്കുമെന്ന ഭീഷണി മുഴക്കി ഉത്തർപ്രദേശിലെ സന്യാസി.

അയോധ്യയിലെ വിവാദ സന്യാസി മഹന്ത പരംഹംസ് ആചാര്യ തപസ്വി ചാവ്‌നിയാണ് ഭീഷണിയുമായി രംഗത്തെത്തിയത്.

എപ്പോഴെങ്കിലും ഷാരൂഖിനെ നേരില്‍ കണ്ടാല്‍ കത്തിച്ചു കളയുമെന്നാണ് സന്യാസി യു കടഭീഷണി. പാത്താൻ സിനിമയിലെ ഗാനരംഗങ്ങള്‍ കാവിയെ അപമാനിക്കുന്നതാണെന്നും പരംഹംസ് ആരോപിച്ചു.

സനാതന ധര്‍മത്തിന്റെ ആളുകള്‍ ഇതുമായി ബന്ധപ്പെട്ട് നിരന്തരമായി പ്രതിഷേധിക്കുകയാണ്. ഇന്ന് ഞങ്ങൾ ഷാരൂഖ് ഖാന്റെ ചിത്രം കത്തിച്ചു. ജിഹാദി ഷാരൂഖ് ഖാനെ ഞാന്‍ നേരില്‍ കാണുകയാണെങ്കില്‍ അയാളെ ജീവനോടെ തന്നെ കത്തിച്ചു കളയും എന്നാണ് സന്യാസി പ്രതികരിച്ചത്.

പത്താൻ സിനിമകള്‍ റിലീസ് ചെയ്യുന്ന തിയേറ്ററുകളും തീവെക്കുമെന്ന് സന്യാസി കൂട്ടിച്ചേര്‍ത്തു. ജനങ്ങള്‍ പഠാന്‍ സിനിമ ബഹിഷ്‌ക്കരിക്കണമെന്നും അദ്ദേഹം ആവശ്യപ്പെട്ടു. മുമ്പും ഇത്തരം വിവാദ പ്രസ്താവനകൾ കൊണ്ട് ശ്രദ്ദേയനാണ് മഹന്ത പരംഹംസ്.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.