ആലപ്പുഴയില് നിര്ത്തിയിട്ടിരുന്ന ഹൗസ് ബോട്ട് മുങ്ങി ഒരാള് മരണപ്പെട്ടു. ആന്ധ്ര സ്വദേശി രാമചന്ദ്രന് (55) ആണ് മരിച്ചത്. രാത്രി പള്ളാത്തുരുത്തിക്ക് സമീപം രാത്രി വിനോദസഞ്ചാരികളുമായി നിര്ത്തിയിട്ടിരുന്ന ബോട്ടാണ് ഭാഗികമായി മുങ്ങിയത്. ബോട്ടില് നാല് ആന്ധ്ര സ്വദേശികളും ജീവനക്കാരുമാണ് ഉണ്ടായിരുന്നത്.
രാത്രി സഞ്ചാരികള് ഉറങ്ങുന്ന സമയത്തായിരുന്നു ഹൗസ് ബോട്ടിന്റെ താഴത്തെ പലക തകര്ന്ന് വെള്ളം അകത്ത് കയറിയത്. ബോട്ട് മുങ്ങുന്നത് അറിഞ്ഞ നാട്ടുകാര് രക്ഷാപ്രവര്ത്തനം നടത്തിയിരുന്നു. ടൂറിസം സീസണ് ആയതുകൊണ്ട് ഫിറ്റ്നസ് ഇല്ലാത്ത ഹൗസ് ബോട്ടുകള് വരെ ഇപ്പോൾ യാത്ര നടത്തി വരികയാണ്. ഇത്തരത്തില് യാതൊരുവിധ മാനദണ്ഡങ്ങളും ഇല്ലാതെ ടൂറിസ്റ്റുകളുമായി സഞ്ചാരം നടത്തിയ ബോട്ടാണ് മുങ്ങിയത്. പൊലീസും ഫയര് ഫോഴ്സും സംഭവ സ്ഥലത്തെത്തി പരിശോധന നടത്തുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here