പശ്ചിമബംഗാള്‍ സ്വദേശികളായ ദമ്പതികളെ വീട്ടില്‍ അതിക്രമിച്ചുകയറി ആക്രമണം നടത്തിയ കേസില്‍ 4 യുവാക്കൾ അറസ്റ്റിൽ.ആക്രി സാധനങ്ങള്‍ വിറ്റു ഉപജീവനം നടത്തുന്ന പശ്ചിമബംഗാള്‍ സ്വദേശികളായ ദമ്പതികളെയാണ് ഇവർ ആക്രമിച്ചത്. ദമ്പതികള്‍ താമസിക്കുന്ന വാടക വീടിന് സമീപത്തിരുന്ന പ്രതികള്‍ മദ്യപിച്ച് ബഹളം വെച്ചതിനെ തുടർന്നുണ്ടായ തർക്കമാണ് അക്രമത്തിൽ കലാശിച്ചത്.സംഭവത്തിന് ശേഷം ഒളിവിൽ പോയ പ്രതികളെ കോട്ടയം വെസ്റ്റ് പൊലീസാണ് അറസ്റ്റ് ചെയ്തത്.
പ്രതികൾ മദ്യപിച്ച് ബഹളം വെച്ചത് ദമ്പതികൾ വീട്ടുടമസ്ഥനെ അറിയിച്ച വിരോധം മൂലം പ്രതികള്‍ ദമ്പതികളുടെ വീട്ടിലെത്തി അസഭ്യം പറയുകയും ഭീഷണിപ്പെടുത്തുകയും ചെയ്തു. അതിന് ശേഷം രാത്രിയില്‍ വീണ്ടും ദമ്പതികളുടെ വീട്ടിൽ അതിക്രമിച്ചു കയറി അക്രമം നടത്തുകയായിരുന്നു.
വാക്കത്തിയും കല്ലുകളും ഉപയോഗിച്ച് വീടിൻ്റെ ജനല്‍ ചില്ലുകള്‍ തല്ലിത്തകര്‍ത്ത നാലംഗ സംഘം വീട്ടിലെ ഫര്‍ണിച്ചറുകള്‍ നശിപ്പിക്കുകയും ചെയ്തു.തുടർന്ന് ഇത് തടയാൻ ശ്രമിച്ച ദമ്പതികളെ യുവാക്കൾ കല്ലുകൊണ്ട് ഇടിക്കുക മര്‍ദ്ദിക്കുകയും, ആക്രി സാധനങ്ങള്‍ തീയിട്ടു നശിപ്പിക്കുകയും ചെയ്തു.
വേളൂര്‍ മാണിക്കുന്നം ഭാഗത്ത് പുതുവാക്കല്‍ അന്‍ജിത്ത് പി. അനില്‍ (22), തിരുവാതുക്കല്‍ വാടകയ്ക്കു താമസിക്കുന്ന താഴത്തങ്ങാടി പള്ളിക്കോണം കാവുങ്കല്‍ പറമ്പില്‍ എസ്. സൂര്യന്‍ (23), വേളൂര്‍ എസ്എന്‍ഡിപി ശ്മശാനം ഭാഗത്ത് പനച്ചിത്തറ വിപിന്‍ ജോസഫ് ഫിലിപ്പ് (22), വേളൂര്‍ ബിഎസ്എന്‍എല്‍ ഓഫീസിന് സമീപം പുറക്കടമാലിയില്‍ പി.എ. ആദിഷ് (20) എന്നിവരെയാണ് ദമ്പതികൾ നൽകിയ പരാതിയുടെ അടിസ്ഥാനത്തിൽ അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
