തുര്ക്കിയില് ശക്തമായ ഭൂചലനം. റിക്ടര് സ്കെയിലില് 7.8 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. തുര്ക്കിയുടെ തെക്കുകിഴക്കന് മേഖലയായ ഗാസിയാന്ടെപ്പിന് സമീപമാണ് ഭൂകമ്പത്തിന്റെ പ്രഭവകേന്ദ്രമെന്ന് യു എസ് ജിയോളജിക്കല് സര്വീസ് അറിയിച്ചു.
ഭൂകമ്പത്തില് പ്രദേശത്ത് നിരവധി കെട്ടിടങ്ങള് നിലംപൊത്തി. ഒട്ടേറെ പേര്ക്ക് പരിക്കേറ്റിട്ടുണ്ടെന്നാണ് റിപ്പോര്ട്ട്. അഞ്ചുപേര് മരിച്ചതായും റിപ്പോര്ട്ടുകളുണ്ട്. എന്നാല്, ഔദ്യോഗികമായി മരണങ്ങളൊന്നും റിപ്പോര്ട്ട് ചെയ്യപ്പെട്ടിട്ടില്ല.
1999ലാണ് ഒടുവിലത്തെ ഏറ്റവും ആള്നാശം വിതച്ച ഭൂകമ്പം തുര്ക്കിയിലുണ്ടായത്. ഡ്യൂഷെയിലുണ്ടായ 7.4 തീവ്രത രേഖപ്പെടുത്തിയ അന്നത്തെ ഭൂചലനത്തില് 17,000ലധികം പേര് മരിച്ചിരുന്നു. ആയിരത്തോളം പേര് ഇസ്താന്ബൂളില് മാത്രം മരിച്ചു. 2020 ജനുവരിയില് ഇലാസിഗില് 6.8 തീവ്രത രേഖപ്പെടുത്തിയ ഭൂചലനമുണ്ടായിട്ടുണ്ട്. അന്ന് 40ലധികം പേര് മരിച്ചിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
