അട്ടപ്പാടിയിൽ വീണ്ടും പുലിയിറങ്ങി, ആടുകളെ പിടിച്ചു

പാലക്കാട് അട്ടപ്പാടിയിൽ വീണ്ടും പുലിയിറങ്ങി. വനത്തിനോട് ചേർന്ന നരസിമുക്ക് പുവത്താ കോളനിയിലാണ് പുലിയിറങ്ങിയത്. കോളനിയിലെ കൃഷ്ണമൂർത്തിയുടെ ആടുകളെ പുലി പിടിച്ചു. പശുക്കളുടെ ബഹളം കേട്ട് വീട്ടുകാർ പുറത്തെത്തിയപ്പോൾ പുലി ആടുമായി ഓടി മറയുകയായിരുന്നു.

ഈ മേഖലയിൽ വളർത്തുമൃഗങ്ങൾ പുലിയുടെ ആക്രമണത്തിനിരയാകുന്നത് പതിവാണ്. കോളനിയിൽ വനം ഉദ്യോഗസ്ഥരെത്തി പരിശോധന നടത്തി. പുലിയാണ് ആടുകളെ ആക്രമിച്ചതെന്ന് ഉദ്യോഗസ്ഥർ സ്ഥിരീകരിച്ചു. ഇവിടെ കഴിഞ്ഞ ദിവസം കാട്ടാനയുടെ ആക്രമണത്തിൽ ഒരാൾ മരിച്ചിരുന്നു.