പ്രതിപക്ഷത്തിന്റെ ഇഡി ഓഫീസ് മാർച്ച്, വിജയ് ചൗക്കിൽ കനത്ത സുരക്ഷ

അദാനി വിഷയത്തിൽ പാർലമെന്റ് ഇന്നും പ്രക്ഷുബ്ധമായേക്കും. വിഷയം സംയുക്ത പാർലമെന്ററി സമിതി അന്വേഷിക്കണമെന്ന ആവശ്യം പ്രതിപക്ഷം ഇന്ന് മുന്നോട്ടുവെക്കും.

ആവശ്യം സഭാ അധ്യക്ഷന്മാർ അംഗീകരിച്ചില്ലെങ്കിൽ ഇ ഡി ഓഫിസിലേക്ക് മാർച്ച് നടത്താനാണ് പ്രതിപക്ഷപാർട്ടികളുടെ തീരുമാനം. തുടർന്ന് ഇ ഡി ഉദ്യോഗസ്ഥരെ നേരിട്ടുകണ്ട് അന്വേഷണം വേണമെന്ന ആവശ്യം മുൻപോട്ടുവെക്കും. പ്രതിപക്ഷത്തിന്റെ ഈ നീക്കം മുൻകൂട്ടിക്കണ്ട് ദില്ലി വിജയ് ചൗക്കിൽ കനത്ത സുരക്ഷയാണ് പൊലീസ് ഒരുക്കിയിട്ടുള്ളത്. അൽപനേരം കഴിഞ്ഞ് മല്ലികാർജുന ഖാർഗെയുടെ നേതൃത്വത്തിൽ നടക്കുന്ന പ്രതിപക്ഷപാർട്ടികളുടെ യോഗത്തിൽ പ്രതിഷേധങ്ങളെപ്പറ്റി ചർച്ചകൾ നടക്കും