2025-ലെ സംസ്ഥാന ടെലിവിഷന് അവാര്ഡ് നിര്ണ്ണയത്തിന് കേരള സംസ്ഥാന ചലച്ചിത്ര അക്കാദമി അപേക്ഷകള് ക്ഷണിച്ചു. 2025 ജനുവരി ഒന്നു മുതല് ഡിസംബര് 31 വരെ സംപ്രേഷണം ചെയ്തതോ സെന്സര് ചെയ്തതോ ആയ ടെലിസീരിയലുകള്, ടെലിഫിലിമുകള്, ഡോക്യുമെന്ററികള് തുടങ്ങിയ പരിപാടികള്, ഈ കാലയളവില് പ്രസാധനം ചെയ്ത ടെലിവിഷന് സംബന്ധിയായ പുസ്തകങ്ങള്, ആനുകാലികങ്ങളില് പ്രസിദ്ധീകരിച്ച ടെലിവിഷന് സംബന്ധിയായ ലേഖനങ്ങള് എന്നിവയാണ് അവാര്ഡിനായി പരിഗണിക്കുക. പരിപാടികള് ഹാര്ഡ്ഡിസ്ക്ക്/പെന്ഡ്രൈവ് എന്നിവയില് ആണ് സമര്പ്പിക്കേണ്ടത്. അപേക്ഷാ ഫോറവും നിബന്ധനകളും അക്കാദമി വെബ്സൈറ്റായ www.keralafilm.com ല് നിന്നും ഡൗണ്ലോഡ് ചെയ്യാം.
തിരുവനന്തപുരം സെന്റ് ജോസഫ്സ് സ്കൂളിനുസമീപമുള്ള സ്റ്റാച്ച്യു റോഡിലെ അര്ച്ചന ബില്ഡിംഗില് പ്രവര്ത്തിക്കുന്ന അക്കാദമിയുടെ സിറ്റി ഓഫീസില് നിന്ന് നേരിട്ടും അപേക്ഷാഫോറം ലഭിക്കും. അപേക്ഷകള് 2026 ഏപ്രില് 10 വൈകുന്നേരം 5 മണിയ്ക്ക് മുന്പായി അക്കാദമി ഓഫീസിലോ സിറ്റി ഓഫീസിലോ ലഭിക്കേണ്ടതാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
