ഇതൊരു വെറും വരയല്ല; റോഡിലെ മഞ്ഞ വര വെറുതെയല്ല, അറിയാം

റോഡുകളിലുള്ള പലതരത്തിലുള്ള വരകൾ എന്തിനാണെന്ന് നിങ്ങൾ ചിന്തിച്ചിട്ടുണ്ടോ. വാഹനമോടിക്കുന്നവർ മാത്രം ഈ വരകളെക്കുറിച്ച് അറിഞ്ഞാൽ മതിയെന്ന് ചിന്തിക്കുന്നവരും നമുക്കിടയിൽ കാണും. എന്നാൽ റോഡിലൂടെ നടക്കുന്നവരും വാഹനമോടിക്കുന്നരും ഈ വരകളെക്കുറിച്ച് ഉറപ്പായും അറിഞ്ഞിരിക്കേണ്ടത്. പറഞ്ഞുവരുന്നത് റോഡിൽ കാണുന്ന മഞ്ഞ നിറത്തിലുള്ള വരകളെക്കുറിച്ചാണ്. വാഹനങ്ങൾ എങ്ങനെ ഓടിക്കണം, എവിടെ ഓവർടേക്ക് ചെയ്യാം, എവിടെ ചെയ്യരുത് തുടങ്ങിയ കാര്യങ്ങൾ മനസിലാക്കുന്നതിനുവേണ്ടിയാണ് ഇത്തരത്തിലുള്ള വരകൾ ഉപയോഗിച്ചിരിക്കുന്നത്.

also read:പാമ്പ് കടിച്ചാൽ പഴങ്ങളും പച്ചക്കറികളും വിഷമാകും ? യാഥാർഥ്യം അറിയാം

ഒറ്റ മഞ്ഞ വര
റോഡിന്റെ നടുവിൽ ഒരു മഞ്ഞ വര മാത്രമുണ്ടെങ്കിൽ, സാധാരണയായി ഓവർടേക്ക് ചെയ്യാമെന്നാണ്. പക്ഷേ അതിനായി വളരെ ജാഗ്രത പാലിക്കേണ്ടതാണ്. മുന്നിൽ വരുന്ന വാഹനങ്ങളും നോക്കേണ്ടതാണ്.

1. രണ്ട് മഞ്ഞ വര
   രണ്ട് മഞ്ഞ വരകൾ ഉണ്ടെങ്കിൽ ഓവർടേക്ക് ചെയ്യാൻ പാടില്ലയെന്നതാണ് അർത്ഥം. ഇത് സാധാരണയായി അപകടസാധ്യത കൂടുതലുള്ള റോഡുകളിലാണ് ഉപയോഗിക്കുന്നത്.
2. ഒരു പൂർണ്ണ വരയും ഒരു തകർന്ന വരയും
   റോഡിന്റെ ഒരു വശത്ത് പൂർണ്ണ വരയും മറ്റേ വശത്ത് തകർന്ന വരയും ഉണ്ടെങ്കിൽ, തകർന്ന വരയുള്ള വശത്തുള്ള വാഹനങ്ങൾക്കാണ് ഓവർടേക്ക് ചെയ്യാൻ അനുവാദമുള്ളത്.
3. തകർന്ന മഞ്ഞവര
   ഇത് സാധാരണയായി സുരക്ഷിതമായ സാഹചര്യത്തിൽ ഓവർടേക്ക് ചെയ്യാമെന്നതിന്റെ സൂചനയാണ്. റോഡിലെ മഞ്ഞ വരകൾ ഡ്രൈവർമാർക്ക് സുരക്ഷിതമായി വാഹനമോടിക്കാൻ സഹായിക്കുന്ന പ്രധാന മാർഗനിർദേശങ്ങളാണ്.