2023 മെയ് 3ന് മണിപ്പൂരിൽ വംശീയ കലാപം പൊട്ടിപ്പുറപ്പെട്ട് മൂന്ന് വർഷങ്ങൾക്ക് ശേഷവും കാണാതായവരുടെ കുടുംബങ്ങൾ നീതിക്കായി അലയുന്നു. അടിയന്തര സർക്കാർ നടപടികൾക്കും നീതിക്കുമായി വീണ്ടും അപേക്ഷ സമർപ്പിച്ചിരിക്കുകയാണ് കാണാതായവരുടെ കുടുംബം. മണിപ്പൂർ താഴ്വര പ്രദേശങ്ങളിൽ നിന്ന് കാണാതായ 30 ലധികം പേരെ ഇപ്പോഴും കണ്ടെത്താനായിട്ടില്ല.
ആക്രമണത്തിന്റെ ആദ്യ ഘട്ടത്തിൽ വീട്ടിലേക്ക് മടങ്ങാനോ സുരക്ഷിത സ്ഥാനത്തേക്ക് രക്ഷപ്പെടാനോ ശ്രമിക്കുന്നതിനിടെയാണ് പലരെയും കാണാതായതെന്ന് കുടുംബങ്ങൾ പറയുന്നു. എഫ്ഐആർ ഫയൽ ചെയ്തിട്ടും, ഒന്നിലധികം അധികാരികളെ സമീപിച്ചിട്ടും, അഭിഭാഷകരുടെയും മനുഷ്യാവകാശ പ്രവർത്തകരുടെയും സഹായത്തോടെ മണിപ്പൂർ ഹൈക്കോടതിയിൽ പോയിട്ടും, കാണാതായവരെ കണ്ടെത്തുന്നതിൽ അർത്ഥവത്തായ പുരോഗതി ഉണ്ടായിട്ടില്ലെന്ന് അവർ ആരോപിച്ചു.
ALSO READ: ദില്ലിയിൽ എസി പൊട്ടിത്തെറിച്ച് 9 പേർക്ക് ദാരുണാന്ത്യം; മരണസംഖ്യ ഉയർന്നേക്കുമെന്ന് സൂചന
സർക്കാർ ഭരണഘടനാപരമായ ഉത്തരവാദിത്തം നിറവേറ്റണമെന്നും ഇവർ ആവശ്യപ്പെട്ടു. നിയമങ്ങൾ പ്രകാരം, കാണാതായ ഒരാളെ ഏഴ് വർഷത്തിന് ശേഷം മാത്രമേ നിയമപരമായി മരിച്ചതായി പ്രഖ്യാപിക്കാൻ കഴിയൂ. അതിനാൽ ആ കാലയളവിന് മുമ്പ് കുടുംബങ്ങൾക്ക് മരണ സർട്ടിഫിക്കറ്റ് ലഭിക്കുന്നത് അസാധ്യമാണ്. മരണ സർട്ടിഫിക്കറ്റുകൾ ഇല്ലാതെ, പല ബാധിത കുടുംബങ്ങൾക്കും സർക്കാർ പദ്ധതികൾ, നഷ്ടപരിഹാരം, വാഗ്ദാനം ചെയ്ത ജോലി ആനുകൂല്യങ്ങൾ എന്നിവ ലഭിക്കില്ല.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
