ഈ അഞ്ച് ലക്ഷണങ്ങൾ അനുഭവിക്കുന്നുണ്ടോ? നിങ്ങൾക്ക് ഹൃദ്രോ​ഗത്തിന് സാധ്യത

ലോകത്ത് സംഭവിക്കുന്ന മരണങ്ങളിൽ ഒരു കാരണം ഹൃദ്രോ​ഗമാണ്. 2023 ൽ 17.9 ദശലക്ഷം പേരാണ് മരണപ്പെട്ടത്. ഈ മരണങ്ങളിൽ 85% ഹൃദയാഘാതം മൂലമാണ്. നിങ്ങളുടെ ഹൃദയത്തിന്റെ ഒരു ഭാഗത്തേക്കുള്ള രക്തയോട്ടം പെട്ടെന്ന് തടസ്സപ്പെടുമ്പോഴാണ് ഹൃദയാഘാതം സംഭവിക്കുന്നത്. നിങ്ങളുടെ ഹൃദയപേശികൾ ശരിയായി പ്രവർത്തിക്കാൻ ഓക്സിജൻ സമ്പുഷ്ടമായ രക്തം ആവശ്യമാണ്. ആ ഒഴുക്ക് നിലയ്ക്കുമ്പോൾ, ഹൃദയപേശികൾക്ക് തകരാർ സംഭവിക്കുന്നു. ​ചില ഹൃദയാഘാതങ്ങൾ പെട്ടെന്ന് സംഭവിക്കുന്നതും തീവ്രവുമാകുന്നതിനാൽ, ഉടനടി സഹായം തേടേണ്ടത് പ്രധാനമാണ്. ഈ അഞ്ച് ലക്ഷണങ്ങൾ ശരീരത്തിൽ സംഭവിക്കുകയാണെങ്കിൽ അവ​ഗണിക്കരുത്

Also read – മഴക്കാലത്ത് ‘വിരുന്നെത്തിയ’ ഉറുമ്പുകൾ ശല്യക്കാരായോ ? അകറ്റി നിർത്താൻ ഇതാ മാർഗങ്ങൾ..

നെഞ്ചിലെ അസ്വസ്ഥത

നെഞ്ചിലെ അസ്വസ്ഥത ഹൃദയാഘാതത്തിന്റെ ഒരു സാധാരണ ലക്ഷണമാണ്. ഹൃദയാഘാതം ബാധിച്ചവരിൽ മിക്കവർക്കും നെഞ്ചിന്റെ മധ്യഭാഗത്ത് അസ്വസ്ഥത അനുഭവപ്പെടുന്നു. ഈ അസ്വസ്ഥത കുറച്ച് മിനിറ്റിലധികം നീണ്ടുനിൽക്കാം. ഈ അസ്വസ്ഥത സമ്മർദ്ദം, ഞെരുക്കം, വേദന എന്നിവയായി അനുഭവപ്പെടുന്നുണ്ടോ എന്ന് നോക്കേണ്ടത് പ്രധാനമാണ്. ഇത്തരം ലക്ഷണങ്ങൾ അനുഭവപ്പെടുകയാണെങ്കിൽ ഉടനടി വൈദ്യ സഹായം തേടുക.

ശ്വാസതടസ്സം

ശ്വസിക്കാനുള്ള ബുദ്ധിമുട്ട് ഹൃദയാഘാതത്തിന്റെ ഒരു നിർണായക ലക്ഷണമാണ്. വിശ്രമത്തിലായിരിക്കുമ്പോൾ പോലും നിങ്ങൾക്ക് ശ്വാസം കിട്ടുന്നില്ലെന്ന് തോന്നിയേക്കാം. നെഞ്ചിൽ അസ്വസ്ഥത തോന്നുമ്പോഴും ശ്വാസതടസ്സം ഉണ്ടാകാം.

ശരീരത്തിന്റെ മുകൾ ഭാഗത്ത് അസ്വസ്ഥത

പുരുഷന്മാർക്ക് ഇടതു കൈയിലോ തോളിലോ, സ്ത്രീകൾക്കാണെങ്കിൽ കഴുത്തിലോ, താടിയെല്ലിലോ, നടുവിനോ വേദന അല്ലെങ്കിൽ അസ്വസ്ഥത എന്നിവ അനുഭവപ്പെടാം.

വിയർപ്പ്

ശാരീരിക അദ്ധ്വാനമോ ഉയർന്ന ശരീര താപനിലയോ ഇല്ലാതെ വിയർപ്പ് പുറത്തുവരുന്നത് ഒരു പ്രധാന ലക്ഷണമാണ്.

തലകറക്കം

ഹൃദയാഘാതത്തിന്റെ ലക്ഷണങ്ങളിൽ ഒന്നാണ് തലകറക്കം. ക്ഷീണം, ബലഹീനത, തലകറക്കം എന്നിവ അവഗണിക്കരുത്. സ്ത്രീകൾക്ക് കടുത്ത ക്ഷീണം അനുഭവപ്പെടാനുള്ള സാധ്യത കൂടുതലാണ്. മറ്റ് ലക്ഷണങ്ങളോടൊപ്പം അസാധാരണമായി ക്ഷീണം അനുഭവപ്പെടുകയാണെങ്കിൽ, ഉടൻ സഹായം തേടുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് ഡോക്ടറുടെ മാർഗ്ഗനിർദ്ദേശം തേടുക.