വീട്ടിൽ കൂണിരിപ്പുണ്ടോ?ചോറിനൊപ്പം കൂട്ടാൻ കിടിലൻ കൂൺ തോരനായാലോ

മലയാളിയ്ക്ക് ചോറ് എപ്പോഴും ഒരു വികാരമാണ്. എന്തൊക്കെ പറഞ്ഞാലും വിശന്നിരിക്കുമ്പോൾ ലേശം ചോറും കറിയും കിട്ടിയാലേ മനസിനൊരു തൃപ്തിയാവൂ. അധികം കറിയൊന്നും വേണമെന്നില്ല താനും. ഇപ്പോൾ വീശന്നിരിക്കയാണോ, വീട്ടിൽ കൂൺ ഇരിപ്പുണ്ടോ ? എന്നാൽ, ചോറിനൊപ്പം കഴിക്കാൻ ഒരു കിടിലൻ കൂൺ കറി ഉണ്ടാക്കിയാലോ .

ചേരുവകൾ

കൂൺ- പത്തെണ്ണം
സവാള- രണ്ട്
ഇ‍ഞ്ചി- ചെറിയ കഷ്ണം
കറിവേപ്പില- ഒരു തണ്ട്
പെരുംജീരകപ്പൊടി- അര ടീസ് സ്പൂൺ
​ഗരം മസാല, മഞ്ഞൾപ്പൊടി- അര ടീസ് സ്പൂൺ
തേങ്ങാ ചിരവിയത്- ഒരു കപ്പ്
എണ്ണ- രണ്ട് ടീസ് സ്പൂൺ
ഉപ്പ്- പാകത്തിന്

ALSO READ; പഴുത്ത പപ്പായ വെറുതെ കളയല്ലേ, മിനിട്ടുകൾക്കുള്ളിൽ ടേസ്റ്റി ഹൽവ തയ്യാറാക്കാം

തയ്യാറാക്കുന്ന വിധം

ചുവടു കട്ടിയുള്ള പാത്രത്തിൽ എണ്ണ ഒഴിച്ച് ചൂടാക്കുക. അതിലേക്ക് അരിഞ്ഞു വച്ച സവാളയും ഇഞ്ചിയും പച്ചമുളകും ചേർത്ത് വഴറ്റുക. സവാള വഴമന്നു വരുമ്പോൾ അതിലേക്ക് ​ഗരം മസാല ഉൾപ്പെടെയുള്ള പൊടികൾ ചേർത്തിളക്കുക. ശേഷം ഇതിലേക്ക് കൂണും ചേർക്കാം. കൂൺ പാതി വെന്ത് കഴിയുമ്പോൾ ചതച്ച് വച്ചിരിക്കുന്ന അരപ്പ് ചേർത്ത് കൊടുക്കാം. അരപ്പ് വെന്ത ശേഷം ഇളക്കി എടുത്ത് വിളമ്പാം.