മാലിദ്വീപിൽ പുതിയ പ്രസിഡന്റിനെ തെരഞ്ഞെടുത്തു

മാലിദ്വീപിൽ പുതിയ പ്രസിഡന്റിനെ തെരെഞ്ഞെടുത്തു. മുഹമ്മദ് മുയിസുവാകും ഇനി മാലിദ്വീപിന്റെ പ്രസിഡന്റ്. സോലിഹ് സ്ഥാനം ഒഴിയുന്ന സാഹചര്യത്തിൽ നടന്ന തെരെഞ്ഞെടുപ്പിൽ ആണ് മുഹമ്മദ് മുയിസു പ്രസിഡന്റ് പദവിലേക്ക് സ്ഥാനമേറ്റത്.

ALSO READ:എന്റെ ജീവിതമാണ് എന്റെ സന്ദേശം; ഇന്ന് ഗാന്ധി ജയന്തി

മാലിയിലെ മേയറായി പ്രവർത്തിച്ചിരുന്ന മുയിസു പ്രതിപക്ഷ സഖ്യമായ പിപിഎം-പിഎൻസിയുടെ സ്ഥാനാർത്ഥിയായാണ് തെരഞ്ഞെടുപ്പിനെ നേരിട്ടത്. പ്രസിഡന്റ് തെരഞ്ഞെടുപ്പിലെ ആദ്യ റൗണ്ടിൽ 79% പോളിംഗാണ് രേഖപ്പെടുത്തിയതെങ്കിൽ രണ്ടാം റൗണ്ടിൽ 86% പോളിംഗായിരുന്നു. വോട്ടെണ്ണലിൽ തുടക്കം മുതൽ തന്നെ മുയിസു ആധിപത്യം നിലനിർത്തിയിരുന്നു. ആദ്യ റൗണ്ട് എണ്ണി തീർന്നപ്പോൾ മുയിസിക്ക് 53% വോട്ടും നിലവിലെ പ്രസിഡന്റ് സോലിഹിന് 46% വോട്ടുമാണ് ലഭിച്ചിരുന്നത്.

ALSO READ:സംസ്ഥാനത്ത് ഇന്നും മഴ തുടരും; മൂന്ന് ജില്ലകളിൽ യെല്ലോ അലർട്ട്

മുൻ പ്രസിഡന്റ് അബ്ദുള്ള യമീനാണ് സ്ഥാനാർത്ഥിയാകേണ്ടിയിരുന്നത്. എന്നാൽ കൈക്കൂലിക്കേസിലും സാമ്പത്തിക തട്ടിപ്പുകേസിലും ശിക്ഷിക്കപ്പെട്ടതിനാൽ തെരഞ്ഞെടുപ്പിൽ മത്സരിക്കാൻ സാധിക്കാത്തതിനാലാണ് മുയിസുവിനെ സ്ഥാനാർത്ഥിയാക്കിയത്.