‘എന്നെ കാണാതെ പോകാൻ ആഗ്രഹിക്കുന്നു’: ആരാധകരെ ആശങ്കയിലാഴ്ത്തിയ ബച്ചൻ പോസ്റ്റിന്റെ പിന്നിലെന്ത്?

അഭിഷേക് ബച്ചന്റെ ‘ഗോയിങ് മിസ്സിങ്’ ആരാധകരെ ഏറെ വിഷമിപ്പിക്കുകയും പരിഭ്രാന്തിയിലാഴ്ത്തുകയും ചെയ്തിരുന്നു. ഈ പോസ്റ്റ് സമൂഹമാധ്യമങ്ങളിൽ ഏറെ ചർച്ചയായിരുന്നു. എന്നാൽ നടന്റെ ഏറ്റവും പുതിയ ചിത്രത്തിന്റെ പ്രൊമോഷന്റെ ഭാഗമായാണ് ഈ പോസ്റ്റെന്ന് വെളിപ്പെടുത്തൽ. ‘കാലിദർ ലാപത’യാണ് അഭിഷേക് ബച്ചന്റെ ഏറ്റവും പുതിയ ചിത്രം.

താരത്തിന്റെ ഏറ്റവും അവസാനമായി പുറത്തിറങ്ങിയ ചിത്രം ഹൗസ്ഫുൾ 5 ആണ്. ഈ ചിത്രത്തിന് സമൂഹമാധ്യമങ്ങളിൽ ഏറെ ട്രോളുകൾ ലഭിച്ചിരുന്നു. ഈ പശ്ചാത്തലത്തിലാണ് അഭിഷേക് ബച്ചൻ തന്നെ കാണാതെ പോകാൻ ആഗ്രഹിക്കുന്നു എന്ന നിഗൂഢ പോസ്റ്റ് പങ്കുവെച്ചത്. അദ്ദേഹത്തിന്റെ ഈ പോസ്റ്റ് ആരാധകരെ ആശങ്കയിലാഴ്ത്തിയിരുന്നു. മണിക്കൂറുകൾക്ക് ശേഷം, അഭിഷേക് തന്റെ പുതിയ ചിത്രം പ്രഖ്യാപിക്കുകയും പോസ്റ്റ് ചിത്രത്തിന്റെ പ്രമോഷന്റെ ഭാഗമാണെന്ന് വ്യക്തമാക്കുകയും ചെയ്തു.

Also read – ഊട്ടിയിലേക്ക് ആണോ ട്രിപ്പ് ? എന്നാൽ മോഹൻലാലിൻറെ വീട്ടിലാവാം താമസം, ദിവസ വാടക ഇങ്ങനെ

മധുമിത സംവിധാനം ചെയ്ത തമിഴ് കോമഡി ഡ്രാമയായ കെ ഡി കറുപ്പുദുരൈയെ അടിസ്ഥാനപ്പെടുത്തിയാണ് പുതിയ ചിത്രമെന്ന് റിപ്പോർട്ടുകളുണ്ട്. ഈ ചിത്രം തിയേറ്ററിൽ റിലീസ് ചെയ്യാതെ ഒടിടിയിലാണ് പുറത്തിറങ്ങുക. കാലിദർ ലാപത ജൂലൈ നാലിന് സീ 5ൽ പുറത്തിറങ്ങും. ചിത്രത്തിൽ നിമ്രത് കൗർ, മുഹമ്മദ് സിഷാൻ അയ്യൂബ്, ദൈവിക് ഭാഗേല തുടങ്ങിയവർ അഭിഷേക് ബച്ചനോടൊപ്പം അണിനിരക്കും.