എബിവിപി സംഘത്തിന്റെ ആക്രമണത്തിൽ എസ്എഫ്ഐ പ്രവർത്തകന്‌ ഗുരുതര പരിക്ക്‌. തിരുവനന്തപുരം ധനുവച്ചപുരം ഐഎച്ച്ആർഡി കോളേജിലെ കംപ്യൂട്ടർ സയൻസ് വിദ്യാർഥിയും എസ്എഫ്ഐ യൂണിറ്റ് കമ്മിറ്റി അംഗവുമായ സഞ്ജീവനാണ് കഴിഞ്ഞ ദിവസം മർദനമേറ്റത്. വിടിഎം എൻഎസ്എസ് കോളേജിലെ എബിവിപി പ്രവർത്തകർ മാരകായുധങ്ങളുപയോഗിച്ച്‌ ആക്രമിക്കുകയായിരുന്നു. സഞ്ജീവനെ കാരക്കോണത്തെ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
വിടിഎം എൻഎസ്എസ് കോളേജിൽ ബിഎ ഇക്കണോമിക്സ് ഒന്നാം വർഷ വിദ്യാർഥി ബിആർ നീരജിനെയും, ധനുവച്ചപുരം ഐടിഐയിലെ വിദ്യാർഥിയും എസ്എഫ്ഐ യൂണിറ്റ് കമ്മിറ്റി അംഗമായ അഭിരാമിനെ എബിവിപി സംഘം മുൻപ് ക്രൂരമായി റാഗ്‌ ചെയ്‌ത്‌ മർദിച്ച് അവശനാക്കുകയായിരുന്നു.
Also Read; മഹാരാഷ്ട്രയില്‍ കിസാന്‍ സഭയുടെ നേതൃത്വത്തില്‍ നടന്ന പ്രതിഷേധ ധര്‍ണയില്‍ വന്‍ ജനപങ്കാളിത്തം
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
