എസ്എഫ്‌ഐ പ്രവര്‍ത്തകര്‍ക്ക് നേരെ എബിവിപി അക്രമം. തിരുവനന്തപുരം മ്യൂസിയം പൊലീസ് സ്റ്റേഷന് മുന്നിലാണ് എസ്എഫ്‌ഐ പ്രവര്‍ത്തകരെ എബിവിപി അക്രമിച്ചത്. എബിവിപി പ്രവര്‍ത്തകര്‍ പെണ്‍കുട്ടികളോട് അശ്ലീല ആംഗ്യം കാണിക്കുകയും അസഭ്യം പറയുകയും ചെയ്തുവെന്ന് എസ്എഫ്‌ഐ നേതാക്കള്‍ പറഞ്ഞു. ഇക്കാര്യം ചോദ്യം ചെയ്തപ്പോഴാണ് എസ്എഫ്‌ഐ പ്രവർത്തകരെ എബിവിപി പ്രവര്‍ത്തകര്‍ അക്രമിച്ചത്. മന്ത്രി വി ശിവന്‍കുട്ടിയെ കരിങ്കൊടി കാണിച്ചതിന് അറസ്റ്റ് ചെയ്യപ്പെട്ട എബിവിപി പ്രവര്‍ത്തകരാണ് എസ്എഫ്‌ഐ പ്രവര്‍ത്തകര്‍ക്ക് നേരെ അക്രമണം നടത്തിയത്.
ALSO READ: ഇസ്രയേല്‍-ഇറാന്‍ സംഘര്‍ഷം: ടെഹ്‌റാനിലെ എംബസികള്‍ അടച്ച് ഈ രാജ്യങ്ങള്‍
ധനുവച്ചപുരം വിടിഎം എന്‍എസ്എസ് കോളേജില്‍ വിദ്യാര്‍ഥിക്ക് നേരെ എബിവിപി ആക്രമണം
തിരുവനന്തപുരം ധനുവച്ചപുരം വിടിഎം എന്‍എസ്എസ് കോളേജില്‍ വിദ്യാര്‍ഥിക്ക് നേരെ എബിവിപി ആക്രമണം. രണ്ടാം വര്‍ഷ മലയാളം ബിരുദ വിദ്യാര്‍ഥി വിജിത്തിനാണ് ക്രൂരമര്‍ദ്ദനമേറ്റത്. ശാഖയില്‍ വരുന്നില്ല എന്നു പറഞ്ഞ് മൂന്നു മാസം മുമ്പ് എബിവിപിക്കാര്‍ വിജിത്തിനെ ആക്രമിച്ചിരുന്നു. ഇതേ വൈരാഗ്യത്താലാണ് വ്യാഴാഴ്ചയും ആക്രമണമുണ്ടായത്. ബൈക്കില്‍ വരവേ കോളേജ് ഗേറ്റിന് സമീപം വച്ച് തള്ളിയിടുകയും ആയുധങ്ങള്‍ ഉപയോഗിച്ച് മര്‍ദ്ദിക്കുകയുമായിരുന്നു. വിജിത്തിന് പരുക്കേറ്റിട്ടുണ്ട്. പാറശാല പൊലീസില്‍ പരാതി നല്‍കി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
