കാസർഗോഡ് ചിറ്റാരിക്കാലിൽ യുവതിക്ക് നേരെ ആസിഡ് ആക്രമണം നടത്തിയ പ്രതി ജീവനൊടുക്കിയ നിലയിൽ

കാസർഗോഡ് ചിറ്റാരിക്കാലിൽ യുവതിക്ക് നേരെ ആസിഡ് ആക്രമണം നടത്തിയ കമ്പല്ലൂർ സ്വദേശി രതീഷിനെ തൂങ്ങിമരിച്ച നിലയിൽ കണ്ടെത്തി. ഗുരുതരമായി പരിക്കേറ്റ യുവതി പരിയാരം മെഡിക്കൽ കോളേജ് ആശുപത്രിയിൽ ചികിത്സയിലാണ്. ചിറ്റാരിക്കാൻ കമ്പല്ലൂരിൽ ഫാൻസി കട നടത്തുന്ന യുവതിക്ക് നേരെ ബുധനാഴ്ച ഉച്ചയ്ക്ക് രണ്ട് മണിയോടെയാണ് ആസിഡ് ആക്രമണമുണ്ടായത്. കടയിലിരിക്കുകയായിരുന്ന യുവതിയുടെ ദേഹത്തേക്ക് രതീഷ് ആസിഡ് ഒഴിക്കുകയായിരുന്നു.

ALSO READ; യുവതിയെ മനപൂർവം കാറിടിപ്പിച്ചതോ? കോട്ടയം കറുകച്ചാലിലെ യുവതിയുടെ മരണം കൊലപാതകമെന്ന് സംശയം

ഗുരുതരമായി പൊള്ളലേറ്റ യുവതി പരിയാരത്തെ കണ്ണൂർ ഗവൺമെന്‍റ് മെഡിക്കൽ കോളേജ് ആശുപത്രിയിൽ ചികിത്സയിലാണ്. അപകടനില തരണം ചെയ്തതായി ആശുപത്രി അധികൃതർ അറിയിച്ചു. ആസിഡ് ആക്രമണം നടത്തിയതിന് ശേഷം യുവാവ് രക്ഷപ്പെട്ടു. ചിറ്റാരിക്കാൽ പോലീസ് സ്ഥലത്തെത്തി നടത്തിയ അന്വേഷണത്തിൽ രതീഷിനെ തൂങ്ങി മരിച്ച നിലയിൽ കണ്ടെത്തുകയായിരുന്നു. ആക്രമണത്തിന് പിന്നിലെ കാരണം വ്യക്തമായിട്ടില്ലെന്നും വിശദമായ അന്വേഷണം നടത്തി വരികയാണെന്നും പോലീസ് അറിയിച്ചു.

news summary: The man who attacked a young woman with acid in Kasaragod took his own life after attack