എം സ്വരാജിന്റെ തെരഞ്ഞെടുപ്പ് പ്രചാരണം: നടന്‍ ഷുക്കൂര്‍ വക്കീലും മമ്മൂട്ടിയുടെ സഹോദരനും നാളെ നിലമ്പൂരില്‍

ഇടതുപക്ഷ ജനാധിപത്യ മുന്നണി സ്ഥാനാര്‍ത്ഥി എം സ്വരാജിന്റെ തെരഞ്ഞെടുപ്പ് പ്രചാരണത്തിന്റെ ഭാഗമായി നാളെ, ജൂണ്‍ 14-ന് നിലമ്പൂര്‍ നഗരസഭയിലെ ചന്തക്കുന്ന് മേഖലയിലും മൂത്തേടത്തും പ്രമുഖ നടന്‍ ഷുക്കൂര്‍ വക്കീലും സിനിമാ താരം മമ്മൂട്ടിയുടെ സഹോദരനും സിനിമാ നടനുമായ ഇബ്രാഹിം കുട്ടിയും കുടുംബയോഗങ്ങളില്‍ പങ്കെടുക്കും.

രാവിലെ 9 മണി മുതല്‍ 1 മണി വരെ ചന്തക്കുന്നില്‍ വെച്ച് നടക്കുന്ന കുടുംബയോഗത്തില്‍ പ്രമുഖ നടന്‍ ഷുക്കൂര്‍ വക്കീലും സിനിമാ താരം മമ്മൂട്ടിയുടെ സഹോദരനും സിനിമാ നടനുമായ ഇബ്രാഹിം കുട്ടിയും പങ്കെടുക്കും. ഉച്ചയ്ക്ക് ശേഷം 2 മണി മുതല്‍ മൂത്തേടത്തും പങ്കെടുക്കുന്നതാണ്.

അതേസമയം എൽഡിഎഫ് സ്ഥാനാർത്ഥി എം സ്വരാജിന്റെ വിജയത്തിനായി എഐടിയുസി നേതൃത്വത്തിൽ വർക്കേഴ്സ് അസംബ്ലി സംഘടിപ്പിച്ചു. വർക്കേഴ്സ് അസംബ്ലി എഐടിയുസി സംസ്ഥാന ജനറൽ സെക്രട്ടറി കെ പി രാജേന്ദ്രൻ ഉദ്ഘാടനം ചെയ്തു. എൽഡിഎഫ് സർക്കാർ നടത്തിവരുന്ന ജനക്ഷേമ പ്രവർത്തനങ്ങൾക്ക് കരുത്ത് പകരുവാനും കേന്ദ്രസർക്കാരിന്റെ വർഗീയ ഫാസിസ്റ്റ് നിലപാടുകളെ പ്രതിരോധിക്കുവാനും എൽഡിഎഫ് വിജയിക്കേണ്ടത് അനിവാര്യമാണെന്ന് അദ്ദേഹം പറഞ്ഞു.
എൽഡിഎഫ് വിജയത്തിനായി മുഴുവൻ തൊഴിലാളികളും രംഗത്തിറങ്ങണമെന്നും തൊഴിലിടങ്ങൾ കേന്ദ്രീകരിച്ച് തൊഴിലാളി സ്ക്വാഡുകൾ പ്രവർത്തിക്കണമെന്നും അദ്ദേഹം പറഞ്ഞു. വർക്കേഴ്സ് അസംബ്ലിക്ക് ശേഷം നിലമ്പൂർ ടൗണിൽ തൊഴിലാളി റാലിയും സംഘടിപ്പിച്ചു.

ALSO READ: സ്വരാജ് വികസനങ്ങൾ പറയും യുഡിഎഫ് വർ​ഗീയതയും: നിലമ്പൂരിലെ തെരഞ്ഞെടുപ്പ് ചിത്രം

വർക്കേഴ്സ് അസംബ്ലിയിൽ എഐടിയുസി ജില്ലാ പ്രസിഡന്റ് എം എ റസാക്ക് അധ്യക്ഷനായിരുന്നു. സിപിഐ സംസ്ഥാന അസിസ്റ്റന്റ് സെക്രട്ടറി പി പി സുനിർ എം.പി മുഖ്യപ്രഭാഷണം നടത്തി. ജില്ല സെക്രട്ടറി പി കെ കൃഷ്ണദാസ്. എഐടിയുസി സംസ്ഥാന ട്രഷറർ പി. സുബ്രഹ്മണ്യൻ, സംസ്ഥാന സെക്രട്ടറി അഡ്വ:ആർ സജിലാൽ, ജില്ല സെക്രട്ടറി അഡ്വ:പി പി ബാലകൃഷ്ണൻ, വയനാട് ജില്ല സെക്രട്ടറി സി.എ സ്റ്റാൻലി, സലീം കുമാർ എന്നിവർ പ്രസംഗിച്ചു. എഐടിയുസി നേതാക്കളായ അഡ്വ:സുനിൽ മോഹൻ, എം.ഹരിദാസ്,കെ എൻ ഉദയൻ,എ കെ ജബ്ബാർ, പി.വി. മാധവൻ,പി ജംഷീർ, പ്രമീള, എം.ഉമ്മർ എന്നിവർ നേതൃത്വം നൽകി.