2-ാം ലോകമഹായുദ്ധത്തിൽ മരണത്തിന്റെ അടിത്തട്ടു കണ്ട നാവികൻ, അച്ചാച്ചന് നാളെ പിറന്നാൾ: അഞ്ജലി നായർ

രണ്ടാംലോക മഹായുദ്ധത്തിൽ 3 തവണ മരണത്തിന്റെ അടിത്തട്ട് കണ്ട നാവികനായ അച്ചാച്ചന് നാളെ പിറന്നാളാണെന്ന് നടി അഞ്ജലി നായർ. കാളിപ്പിള്ള ഗോപിനാഥൻ നായർ നാളെ 103-ാം പിറന്നാൾ ആഘോഷിക്കുകയാണ്. 2-ാം ലോകമഹായുദ്ധകാലത്ത് അകമ്പടി പോയ യുദ്ധക്കപ്പലിന്റെ അടിത്തട്ട് ആക്രമണത്തിൽ തകർന്നു.

ക്യാപ്റ്റൻ കപ്പലുപേക്ഷിക്കാൻ ആഹ്വാനം നൽകിയെങ്കിലും രക്ഷാപ്രവർത്തകർ കരക്കെത്തിച്ച് ബ്രിട്ടീഷ് മഹാരാജാവിന്റെ പ്രശംസക്കും അത്താഴ വിരുന്നിനും പാത്രമായതി. അതിന്റെ ഓർമ്മകൾ ഇന്നും “കെജി ” എന്നറിയപ്പെടുന്ന കാളിപ്പിള്ള ഗോപിനാഥൻ നായർക്ക് വ്യക്തമെന്നും അഞ്ജലി മേനോൻ ഫേസ്ബുക്കിൽ കുറിച്ചു.

ഫേസ്ബുക്ക് കുറിപ്പ്

നാളെ എന്റെ അച്ഛന്റെ അച്ഛന്റെ ( അച്ചാച്ചൻ) 103 ആം ജന്മദിനം ആണ്

എല്ലാവരുടെയും പ്രാർഥന വേണം

തിരുവല്ല: മഹായുദ്ധകാലത്ത് അകമ്പടി പോയ യുദ്ധക്കപ്പൽ ജർമ്മൻ U ബോട്ട് ആക്രമണത്തിൽ അടിത്തട്ട് തകർന്ന് ക്യാപ്റ്റൻ കപ്പലുപേക്ഷിക്കാൻ ആഹ്വാനം നൽകിയെങ്കിലും രക്ഷാപ്രവർത്തകർ കരക്കെത്തിച്ച് ബ്രിട്ടീഷ് മഹാരാജാവിന്റെ പ്രശംസക്കും അത്താഴ വിരുന്നിനും പാത്രമായതിന്റെ ഓർമ്മകൾ ഇന്നും “കെജി ” എന്നറിയപ്പെടുന്ന കാളിപ്പിള്ള ഗോപിനാഥൻ നായർക്ക് വ്യക്തം.

ഡ്രൈ ഡോക്കിൽ പരിശോധനക്ക് കയറ്റിയ കപ്പലിന്റെ അടിത്തട്ട് പൂർണ്ണമായും നശിച്ചിരുന്നത് കണ്ട് വാർത്ത സേനാ തലവനായ രാജാവിന്റെ അടുത്ത് എത്തുകയും അദ്ദേഹം നേരിട്ട് വന്ന് കപ്പൽ പരിശോധിക്കുകയും , ഇത്രയും വലിയ വിപത്തിൽ നിന്നും രക്ഷപെട്ട നാവികരെ ബക്കിംങ് ഹാം പാലസിൽ അദ്ദേഹത്തോടൊപ്പം അത്താഴ വിരുന്നിന് ക്ഷണിക്കുകയുമായിരുന്നു.

മൂത്ത മകൻ ഗിരിധരൻ പരസ്യക്കമ്പനി നടത്തിയിരുന്നു. കൊച്ചുമക്കളായ അർജുൻ ശശി, ശ്രുതി മേനോൻ , അഞ്ജലി നായർ അജയ് എന്നിവർ സിനിമാ താരങ്ങളാണ്.

മുൻ രജിസ്ട്രഷൻ വകുപ്പ് ഡയറക്ടർ കെ.കുഞ്ഞുകൃഷ്ണ പിള്ള , ട്രാൻസ്പോർട്ട് ഡിപ്പാർട്ട്മെന്റിലായിരുന്ന കെ.ജനാർദ്ദനൻ പിള്ള , കെ.വിശ്വനാഥൻ നായർ , സംഗീതാധ്യാപിക എൽ സുഭദ്രാമ്മ, ഏറ്റവും ഇളയവനായ സി ഐ എസ് എഫ് കമാൻഡന്റ് കെ. പി.നായർ (പ്രഭാകരൻ നായർ ) എന്നീ സഹോദരങ്ങൾ എല്ലാവരും ശതാഭിഷേകം കഴിഞ്ഞ് വിട ചൊല്ലിയവരാണ്.