ജപ്പാനിലെ ടോക്യോയിൽ നിന്ന് ഡൽഹിയിലേക്ക് പുറപ്പെട്ട എയർ ഇന്ത്യ വിമാനം കൊൽക്കത്തയിൽ അടിയന്തര ലാൻഡിങ് നടത്തി.
ക്യാബിനകത്തെ താപനില ഉയർന്നതിനെ തുടർന്നാണ് വിമാനം അറിയന്തിരമായി നിലത്തിറക്കിയത്. എയര് ഇന്ത്യയുടെ ടോക്കിയോ- ഡല്ഹി ബോയിങ് 787 വിമാനമാണ് കൊല്ക്കത്തയില് ലാൻഡ് ചെയ്തത്. വിമാനത്തിലെ എയര് കണ്ടീഷനിങ് സംവിധാനത്തിന്റെ തകരാര് മൂലമാണ് അടിയന്തിര ലാൻഡിംഗ് നടത്തിയതെന്നാണ് വിവരം. വിമാനത്തിലെ യാത്രക്കാരെല്ലാം സുരക്ഷിതരാണ്.
ഞായറാഴ്ച വൈകുന്നേരം ഡൽഹിയിലെത്തേണ്ട വിമാനമാണ് കൊൽക്കത്തയിൽ അടിയന്തരമായി ഇറക്കേണ്ടി വന്നത്. AI357 വിമാനം ടോക്കിയോയിൽ നിന്ന് ഉച്ചയ്ക്ക് 12.31നാണ് പറന്നുയർന്നത്. യാത്രക്കാർ ബുദ്ധിമുട്ട് നേരിട്ടതിൽ എയർ ഇന്ത്യ ഖേദം പ്രകടിപ്പിച്ചിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
