സിപിഐഎമ്മിന്റെ ആസ്ഥാനമന്ദിരമായ എകെജി സെന്റർ ഇന്ന് ഉദ്ഘാടനം ചെയ്യും. മുഖ്യമന്ത്രി പിണറായി വിജയൻ ഉദ്ഘാടനം നിർവഹിക്കുന്നതിനൊപ്പം എ കെ ജിയുടെ പ്രതിമയും അനാച്ഛാദനം ചെയ്യും. സിപിഐഎം ജനറൽ സെക്രട്ടറി എം എ ബേബി ഉൾപ്പെടെയുള്ള നേതാക്കളും എൽഡിഎഫിന്റെ ഘടകകക്ഷി നേതാക്കളും ഉദ്ഘാടന ചടങ്ങിൽ പങ്കെടുക്കും.
പാർട്ടി കോൺഗ്രസ് പൂർത്തിയായതിനു പിന്നാലെയാണ് ഇന്ന് സംസ്ഥാന കമ്മിറ്റിയുടെ ആസ്ഥാനമായ എകെജി സെൻറർ പ്രവർത്തനമാരംഭിക്കുന്നത്. 32 സെൻറ് ഭൂമിയിൽ ഒമ്പത് നിലകളിൽ ആയിട്ടാണ് മന്ദിരം പണികഴിപ്പിച്ചിരിക്കുന്നത്. പാർട്ടിയിലെ മുതിർന്ന നേതാക്കളുടെയും രക്തസാക്ഷികളുടെയും കുടുംബാംഗങ്ങളും ഉദ്ഘാടന ചടങ്ങിൽ പങ്കെടുക്കും. ഉദ്ഘാടനത്തോടനുബന്ധിച്ച് ശിലാഫലകത്തിന്‍റെ അനാച്ഛാദനവും തുടർന്ന് എകെജി ഹാളിൽ പൊതുസമ്മേളനവും നടക്കും. നിലവിൽ എകെജി സെൻറർ പ്രവർത്തിച്ചിരുന്ന പാളയത്തെ എകെജി പഠന ഗവേഷണ കേന്ദ്രത്തിന് നേരെ എതിർവശത്തായാണ് രണ്ട് സെല്ലാർ പാർക്കിംഗ് ഉൾപ്പെടെ 9 നിലകളോടു കൂടിയ ആസ്ഥാനമന്ദിരം സജ്ജമായിരിക്കുന്നത്.
ALSO READ: കശ്മീർ ഭീകരാക്രമണം; മുംബൈയിൽ നിന്നുള്ള 3 പേർ മരിച്ചു; നാഗ്‌പൂർ കുടുംബം രക്ഷപ്പെട്ടത് തലനാരിഴയ്ക്ക്
സംസ്ഥാന കമ്മിറ്റി യോഗം, സെക്രട്ടറിയേറ്റ് യോഗം എന്നിവയ്ക്കായി പ്രത്യേകം മുറികളുണ്ട്. ഹാളുകൾ, പി ബി അംഗങ്ങൾക്ക് താമസിക്കാനുള്ള മുറികൾ, സെക്രട്ടറിയേറ്റ് അംഗങ്ങൾക്ക് ഓഫീസ് മുറികൾ, വാർത്താ സമ്മേളനങ്ങൾക്കായി പ്രത്യേക മുറി എന്നിവയും എകെജി സെൻററിൽ ഉണ്ട്. വാസ്തുശില്പി എൻ മഹേഷ് ആണ് പുതിയ എകെജി സെന്‍ററിന്‍റെ രൂപകൽപ്പന.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
