പശ്ചിമേഷ്യ യുദ്ധസമാന സാഹചര്യത്തിലേക്ക് നീങ്ങിക്കൊണ്ടിരിക്കുന്ന പശ്ചാത്തലത്തില് ലോക സമാധാനത്തിനു വേണ്ടി വിശ്വാസികള് പരിശുദ്ധ റമദാനിന്റെ പവിത്രമായ നിമിഷങ്ങളില് പ്രത്യേക പ്രാര്ഥന നടത്തണമെന്ന് സമസ്ത കേരള ജംഇയ്യതുല് ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള് അഭ്യര്ഥിച്ചു.
ഗള്ഫ് രാജ്യങ്ങളിലടക്കം യുദ്ധഭീതി വലിയ ആശങ്കയാണ് സൃഷ്ടിച്ചുകൊണ്ടിരിക്കുന്നത്. പതിനായിരക്കണക്കിനു മലയാളികളാണ് വിവിധ ഗള്ഫ് രാഷ്ട്രങ്ങളിലായി അധിവസിക്കുന്നത്. ഇവരുടെ സുരക്ഷ ഉറപ്പുവരുത്താന് ബന്ധപ്പെട്ടവര് തയ്യാറാകണം.
യുദ്ധം ഒരു രാഷ്ട്രീയ പരിഹാരമല്ല. മനുഷ്യജീവന് സംരക്ഷണമൊരുക്കാന് ഭരണാധികാരികള് മുന്നിട്ടിറങ്ങണമെന്നും ലോക സമാധാനത്തിനു വേണ്ടി മുന്കൈയെടുക്കണമെന്നും ജിഫ്രി മുത്തുക്കോയ തങ്ങള് ആവശ്യപ്പെട്ടു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
