മഡുറോയുടെ അറസ്റ്റിന് പിന്നാലെ പുതിയ നീക്കം; ഏഴ് വർഷത്തിന് ശേഷം വെനസ്വേലയിലെ യുഎസ് എംബസിയിൽ അമേരിക്കൻ പതാക ഉയർന്നു

ജനുവരി 3-ന് വെനസ്വേലൻ പ്രസിഡന്റ് നിക്കോളാസ് മഡൂറോയെ അമേരിക്കൻ സൈന്യം അറസ്റ്റ് ചെയ്തതിന് ശേഷം പ്രതീകാത്മകമായ മറ്റൊരു പിടിച്ചടക്കൽ കൂടി അമേരിക്ക നടത്തുകയാണ്. 2019-ന് ശേഷം ആദ്യമായാണ് വെനസ്വേലയിലെ യുഎസ് എംബസിക്ക് മുകളിൽ അമേരിക്കൻ പതാക ഉയരുന്നത്. പതാക ഉയർന്നെങ്കിലും എംബസി കെടത്തിൽ നിലവിൽ അറ്റകുറ്റപണി നടക്കുകയാണ്. എംബസി എന്ന് മുതൽ വീണ്ടും പ്രവർത്തിക്കുമെന്ന കാര്യത്തിൽ ഇതുവരെയും തീരുമാനം ഉണ്ടായിട്ടില്ല.

Also read : പശ്ചിമേഷ്യ സംഘർഷം; ഫോർമുല വൺ കാറോട്ട മത്സരങ്ങൾ റദ്ദാക്കി

മഡുറോയുടെ അറ്സ്റ്റിന് ശേഷം ആക്ടിങ് പ്രസിഡന്റ് ഡെൽസി റോഡ്രി​ഗസിനെ പിന്തുണച്ച് നിരവധി പ്രസ്താവനകൾ യുഎസ് പ്രസിഡന്റ് ഡൊണാൾഡ് ട്രംമ്പ് നടത്തിയിരുന്നു. അതേസമയം മഡുറോയെ പിന്തുണയ്ക്കുന്ന ഒരു വിഭാ​ഗം ജനങ്ങൾ ഇപ്പോഴും യുഎസിനെതിരെ കടുത്ത് എതിർപ്പ് പ്രകടിപ്പിക്കുന്നുണ്ട്. രാജ്യത്തെ എണ്ണ വ്യവസായത്തിൽ അമേരിക്കയുടെ സ്വാധീനം വർദ്ധിക്കുന്നതും എതിർപ്പിന് ഒരു പ്രധാന കാരണമാണ്. എന്നാൽ കാരക്കസിലെ ഒരു വിഭാ​ഗം ജനങ്ങൾ ഈ പതാക ഉയർത്തലിനെ പുതിയ മാറ്റമായാണ് കണ്ടത്.