ഇന്ത്യ മുന്നണിയുടെ നിർണായക യോഗം നാളെ മുംബൈയിൽ നടക്കും

ഇന്ത്യ മുന്നണിയുടെ നിർണായക യോഗം നാളെ മുംബൈയിൽ നടക്കും. തെരഞ്ഞെടുപ്പ് നേരത്തെ നടത്തിയേക്കുമെന്ന അഭ്യൂഹങ്ങൾക്കിടെ ആണ് യോഗം ചേരുന്നത്. ഇന്ത്യ മുന്നണിയുടെ കൺവീനറെ നിശ്ചയിക്കുന്ന കാര്യത്തിൽ യോ​ഗത്തിൽ ചർച്ച നടക്കും.

ഇന്ത്യ മുന്നണിയുടെ മൂന്നാമത്തെ യോ​ഗമാണ് നാളെ നടക്കുന്നത്. പാറ്റ്നയും ബാം​ഗ്ലൂരുവിലും യോ​ഗം നടന്നിരുന്നു. അതിന് ശേഷമാണ് മുംബൈയിൽ രണ്ട് ദിവസങ്ങളിലായി യോ​ഗം ചേരുന്നത്.
മുന്നണിക്ക് കൺവീനർ വേണോ അതോ ദില്ലി ആസ്ഥാനമായി പ്രവർത്തിക്കുന്ന സെക്രട്ടേറിയറ്റ് വേണോ എന്നുള്ള കാര്യത്തിൽ തീരുമാനം ഉണ്ടാവും.

also read:ഡിമാൻഡ് കുറഞ്ഞ വൈൻ നശിപ്പിക്കാൻ ധനസഹായം പ്രഖ്യാപിച്ചു

മല്ലികാർജ്ജുൻ ഖർഗെ കൺവീനർ സ്ഥാനം ഏറ്റെടുക്കില്ലെന്ന നിലപാടിലാണ്. അതേസമയം, നിതീഷ് കുമാർ കൺവീനറാകുന്നതിനെ പിന്തുണച്ച് കോൺഗ്രസും മമതയും രം​ഗത്തുണ്ട്. കേന്ദ്ര സർക്കാരിനെതിരെ സംയുക്ത പ്രതിഷേധ പരിപാടികൾ നടത്തുന്നതും യോഗത്തിൽ ചർച്ച ആകും. ഇന്ത്യ മുന്നണി യോഗം ചേരുന്ന സാഹചര്യത്തിൽ മഹാരാഷ്ട്രയിൽ എൻ ഡി എ സഖ്യവും യോഗം ചേരും.

also read:തൃശൂരില്‍ ടൂറിസ്റ്റ് ബസിനടിയില്‍പ്പെട്ട് ബൈക്ക് യാത്രികന്‍ മരിച്ചു

അജിത് പവാർ നേതൃത്വം നൽകുന്ന എൻ സി പി ,എൻ ഡി എ യുടെ ഭാഗമായ ശേഷം ആദ്യമായാണ് മഹാരാഷ്ട്രയിൽ എൻ ഡി എയോഗം ചേരുന്നത്. വെള്ളിയാഴ്ച്ചത്തെ എൻ ഡി എ യോഗത്തിൽ ഘടകകക്ഷികളുടെ പരസ്പര സഹകരണം , നിലവിലെ രാഷ്ട്രീയ സാഹചര്യം എന്നീ വിഷയങ്ങൾ ചർച്ചയാകും.