ഉപ​ഗ്രഹ ഇന്റർനെറ്റ് സേവനങ്ങൾ നൽകാനായി സ്റ്റാർലിങ്കിനോട് മത്സരിച്ച് ഇന്ത്യൻ കമ്പനിയും

മനുഷ്യ നിർമിത ഉപ​ഗ്രഹങ്ങളെ അടിസ്ഥാനമാക്കി സേവനങ്ങൾ നൽകാൻ സ്വകാര്യകമ്പനികൾ തയ്യാറെടുക്കുന്നു. അനന്ത് ടെക്‌നോളജീസ് എന്ന ഹൈദരബാദ് ആസ്ഥാനമായി പ്രവർത്തിക്കുന്ന കമ്പനിയാണ് രം​ഗത്തെത്തിയിരിക്കുന്നത്. തദ്ദേശീയമായി ഉപഗ്രഹം നിർമിച്ച് ബ്രോഡ്ബാൻഡ് സേവനങ്ങളടക്കം നൽകാനാണ് തയ്യാറെടുക്കുന്നത്.

ഇന്ത്യൻ നാഷണൽ സ്‌പെയ്സ് പ്രമോഷൻ ആൻഡ് ഓതറൈസേഷൻ സെന്റർ (ഇൻ-സ്‌പെയ്സ്) എന്നത് ഐഎസ്ആർഒയ്ക്കും സ്വകാര്യ ബഹിരാകാശ മേഖലയ്ക്കും ഇടയിൽ ഒരു ഏകജാലകമായി പ്രവർത്തിക്കുന്ന സ്വയംഭരണ സ്ഥാപനമാണ്. ഇത് അനന്ത് ടെക്‌നോളജീസീന് 2028 മുതൽ ഉപഗ്രഹാധിഷ്ഠിത ബ്രോഡ്ബാൻഡ് സേവനങ്ങൾ ലഭ്യമാക്കാൻ അനുമതി നൽകിയിട്ടുണ്ട്.

Also Read: ചൊവ്വയിൽ നിന്ന് ഭൂമിയിൽ പതിച്ച ഉൽക്കാശില: 34 കോടിയിലധികം മൂല്യമുള്ള ശില ആര് സ്വന്തമാക്കും?

സ്റ്റാർലിങ്ക്, യൂടെൽസാറ്റ്, വൺ വെബ്, ആമസോണിന്റെ കുയ്പർ മുതലായ അന്താരാഷ്ട്ര കമ്പനികളുമായാണ് അനന്ത് ടെക്ക് ഈ മേഖലിയിൽ മത്സരിക്കുന്നത്. പദ്ധതിക്കായി നാലുടൺ ഭാരംവരുന്ന ഭൂസ്ഥിര ഉപഗ്രഹം നിർമിക്കാനാണ് പദ്ധതിയിടുന്നത്. ഒറ്റ ഉപഗ്രഹംകൊണ്ട് ഇന്ത്യയിൽ മുഴുവനായി സേവനമെത്തിക്കാൻ ഇതിലൂടെ സാധിക്കും.

Also Read: ശുഭാംശു ശുക്ലയും സംഘവും ജൂലൈ 10ന് തിരികെ ഭൂമിയിലേക്ക്