കൊതുകുകൾക്കും ഇനി എഐ വില്ലൻ; പുത്തൻ പദ്ധതിയുമായി ആന്ധ്രാ സർക്കാർ

മഴക്കാലത്ത് അതിഥികളായി എത്തുന്നവരുടെ ശല്യം എത്രയെന്ന് വെച്ചാണ് സഹിക്കുന്നത്. അതുകൊണ്ട് ഇതാ പല മേഖലയിലും കഴിവ് തെളിയിച്ച എഐ ഉപയോഗിച്ച് കൊതുകുകളെ ഓടിക്കാൻ ഒരുങ്ങുകയാണ് ആന്ധ്രാപ്രദേശ് സർക്കാർ. സ്മാർട്ട് മോസ്ക്വിറ്റോ സർവൈലൻസ് സിസ്റ്റം (SMoSS) എന്ന പേരിൽ ആയിരിക്കും പദ്ധതി ആരംഭിക്കുക. വിശാഖപട്ടണം, വിജയവാഡ, കാക്കിനട, രാജമഹേന്ദ്രവാരം, നെല്ലൂർ, കർണൂൽ എന്നീ ആറു മുനിസിപ്പൽ കോർപ്പറേഷനുകളിലായി 66 സ്ഥലങ്ങളിൽ ആകും ഇത് ആരംഭിക്കുക. മുനിസിപ്പൽ അഡ്മിനിസ്ട്രേഷൻ ആൻഡ് അർബൻ ഡെവലപ്‌മെന്റ് (എംഎയുഡി) വകുപ്പാണ് ഈ സംരംഭത്തിന് നേതൃത്വം നൽകുന്നത്.

മുനിസിപ്പൽ അഡ്മിനിസ്ട്രേഷൻ ആൻഡ് അർബൻ ഡെവലപ്മെന്റ് വകുപ്പിന്റെ നേൃതൃത്തത്തിലാണ് പദ്ധതി നടപ്പാക്കുന്നത്. കൊതുകുകളുടെ എണ്ണം കൂടുതൽ കാര്യക്ഷമമായും സുരക്ഷിതമായും നിരീക്ഷിക്കാനും നിയന്ത്രിക്കാനും ഈ സംവിധാനം സഹായിക്കുമെന്ന് മുനിസിപ്പൽ അഡ്മിനിസ്ട്രേഷൻ ഡയറക്ടർ പി. സമ്പത്ത് കുമാർ പറഞ്ഞു. സംസ്ഥാനത്ത് മഴക്കാലത്ത് ഡെങ്കിപ്പനി, മലേറിയ കേസുകളിൽ വലിയ വർധനവാണ് രേഖപ്പെടുത്തുന്നത്. 2024 ൽ 5,555 ഡെങ്കിപ്പനി കേസുകളാണ് ആന്ധ്രയിൽ റിപ്പോർട്ട് ചെയ്തത്. 2023 ൽ ഇത് 6,453 ആയിരുന്നു.

ALSO READ: പണി തീർന്നിട്ട് ഒരു മാസം, റോഡ് കൈ കൊണ്ട് ഇളക്കിയെടുത്ത് യുവാവ്; മഹാരാഷ്ട്രയിൽ നിന്നുള്ള വീഡിയോ വൈറൽ

കൊതുകുകളുടെ ഇനം, ലിംഗഭേദം, ജനസാന്ദ്രത, താപനില, ഈർപ്പം തുടങ്ങിയ കാലാവസ്ഥാ സാഹചര്യങ്ങൾ എന്നിവ കണ്ടെത്തുന്നതിന് SMoSS, AI-യിൽ പ്രവർത്തിക്കുന്ന കൊതുക് സെൻസറുകൾ, ഡ്രോണുകൾ, മറ്റ് സ്മാർട്ട് ഉപകരണങ്ങൾ എന്നിവ ഉപയോഗിക്കുന്നു. ഏതെങ്കിലും പ്രദേശത്ത് കൊതുകുകളുടെ എണ്ണം സുരക്ഷിത പരിധി കവിയുമ്പോൾ, യാന്ത്രിക അലേർട്ടുകൾ അയയ്ക്കും, തുടർന്ന് പൗര സംഘങ്ങൾ വേഗത്തിൽ പ്രവർത്തിക്കുകയും സ്പ്രേയിംഗ് അല്ലെങ്കിൽ ഫോഗിംഗ് പ്രവർത്തനങ്ങൾ നടത്തുകയും ചെയ്യും. കൊതുകുകളെ ഫലപ്രദമായി നിയന്ത്രിക്കാൻ പദ്ധതിയിലൂടെയാവുമെന്ന് ഉദ്യോഗസ്ഥൻ പറഞ്ഞു.

കൊതുകുകളെ നിയന്ത്രിക്കുന്ന ‘ലാർവിസൈഡ്’ തളിക്കാനായി ഡ്രോണുകൾ ഉപയോഗിക്കുന്നതിലൂടെ കുറഞ്ഞ സമയത്തിനുള്ളിൽ കൂടുതൽ പ്രദേശങ്ങൾ പൂർത്തിയാക്കാമെന്നും ഉദ്യോഗസ്ഥൻ കൂട്ടിച്ചേർത്തു. കുറഞ്ഞ ചെലവിനൊപ്പം രാസവസ്തുക്കൾ കുറഞ്ഞ അളവിൽ മതിയാകുമെന്നതും ഇതിന്റെ പ്രത്യേകതയാണെന്ന് അദ്ദേഹം പറഞ്ഞു. ജനങ്ങളുടെ ദൈനംദിന ജീവിതത്തിൽ AI സംയോജിപ്പിക്കാനുള്ള സർക്കാരിന്റെ ശ്രമങ്ങളെയും ഈ നീക്കം എടുത്തുകാണിക്കുന്നു.