നടിമാരെ സമൂഹമാധ്യമങ്ങളിലടെ അധിക്ഷേപിച്ചെന്ന പരാതിയില് സന്തോഷ് വര്ക്കി (ആറാട്ടണ്ണന് ) അറസ്റ്റില്. എറണാകുളം നോര്ത്ത് പോലീസാണ് അറസ്റ്റ് ചെയ്തത്. സിനിമ നടികളില് മിക്കവരും വേശ്യകളാണെന്ന പരാമര്ശമാണ് ഇയാള് സമൂഹമാധ്യമങ്ങളിലൂടെ നടത്തിയത്.
സമൂഹമാധ്യമങ്ങളില് കൂടി സിനിമ റിവ്യൂ പറഞ്ഞ് വൈറലായ ആറാട്ട് അണ്ണനെന്ന് അറിയപ്പെടുന്ന സന്തോഷ് വര്ക്ക് എതിരെ നടി ഉഷ പരാതി നല്കിയിരുന്നു. കഴിഞ്ഞ നാല്പത് വര്ഷമായി സിനിമാ മേഖലയില് പ്രവര്ത്തിക്കുന്ന തനിക്ക് ഇത് മാനസിക വിഷമത്തിന് കാരണമായി എന്ന് ചൂണ്ടിക്കാട്ടിയാണ് ഉഷ ആലപ്പുഴ ഡിവൈഎസ്പിക്ക് പരാതി നല്കിയത്. സ്ത്രീത്വത്തെ അപമാനിക്കുന്നതാണ് സന്തോഷ് വര്ക്കിയുടെ പോസ്റ്റെന്നും ഒരു നടി എന്ന നിലയില് തനിക്ക് ഇത് അപമാനം ഉണ്ടാക്കിയതായും പരാതിയില് ഉഷ ചൂണ്ടിക്കാട്ടി.
ചലച്ചിത്ര രംഗത്ത് പ്രവര്ത്തിക്കുന്ന നടികളെ മുഴുവന് അവഹേളിക്കുന്ന തരത്തില് സന്തോഷ് വര്ക്കി എന്ന ആറാട്ട് അണ്ണന് നടത്തിയ ഈ പ്രവര്ത്തിക്കെതിരെ ഉചിതമായ നടപടികള് സ്വീകരിക്കണമെന്നും നടി പരാതിയില് ആവശ്യപ്പെട്ടിരുന്നു.
ഇതിനു പിന്നാലെ ഭാഗ്യലക്ഷ്മി, കുക്കു പരമേശ്വരൻ എന്നിവരും സംസ്ഥാന പോലീസ് മേധാവിക്ക് പരാതി നൽകിയിരുന്നു. നടിമാരുടെ പരാതിയിൽ എറണാകുളം നോർത്ത് പോലീസ് സ്റ്റേഷനിൽ രജിസ്റ്റർ ചെയ്ത കേസിലാണ് സന്തോഷ് വർക്കിയെ അറസ്റ്റ് ചെയ്തത്. ജാമ്യമില്ലാ വകുപ്പുകളാണ് പ്രതിക്കെതിരെ ചുമത്തിയിരിക്കുന്നതെന്ന് എറണാകുളം സെൻട്രൽ എ സി പി ജയകുമാർ പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
