മാര്ക്ക് ലിസ്റ്റ് വിവാദത്തില് അന്വേഷണം ആവശ്യപ്പെട്ട് എസ്എഫ്ഐ സംസ്ഥാന സെക്രട്ടറി പി എം ആര്ഷോ ഡിജിപിക്ക് പരാതി നല്കി. പരാതിയിൽ ഡി ജി പി അന്വേഷണത്തിന് ഉത്തരവിട്ടു . താന് രജിസ്റ്റര് ചെയ്യാത്ത പരീക്ഷയുടെ മാര്ക്ക് ലിസ്റ്റില് തന്റെ പേര് ഉള്പ്പെട്ടതിന് പിന്നില് ഗൂഢാലോചന നടന്നിട്ടുണ്ടെന്ന് കാണിച്ചാണ് പരാതി നല്കിയിരിക്കുന്നത്.
തെറ്റായ മാര്ക്ക് ലിസ്റ്റാണ് പുറത്തുവന്നത്. മഹാരാജാസ് കോളജിലെ ആര്ക്കിയോളജി ഡിപ്പാര്ട്ട്മെന്റ് കോര്ഡിനേറ്റര് വിനോദ് കുമാറും ചില മാധ്യമളും ചേര്ന്ന് തനിക്കെതിരെ ഗൂഢാലോചന നടത്തിയെന്നാണ് പരാതിയില് പറയുന്നത്.
also read; മാർക്ക് ലിസ്റ്റ് വിവാദം; ഒടുവിൽ ആർഷോയുടെ വാദങ്ങൾ അംഗീകരിച്ച് പ്രിൻസിപ്പൽ
എഴുതാത്ത പരീക്ഷ താന് ജയിച്ചെന്ന ആരോപണത്തിന് പിന്നില് അമല്ജ്യോതി കോളജിലെ വിദ്യാര്ഥിനിയുടെ ആത്മഹത്യ ചര്ച്ചയാകാതിരിക്കാനുള്ള മാധ്യമങ്ങളുടെ ഗൂഢാലോചനയാണെന്ന് ആര്ഷോ കഴിഞ്ഞദിവസം ആരോപിച്ചിരുന്നു. മഹാരാജാസ് കോളജിനുള്ളില് ഗൂഢാലോചന നടന്നിട്ടുണ്ട്. ക്യാമ്പസിനകത്ത് നടന്ന ഗൂഢാലോചനയെപ്പറ്റി അന്വേഷിക്കണം. മാധ്യമ ഗൂഢാലോചന നടന്നോയെന്നും സംശയമുണ്ട്- ആർഷോ പരാതിയിൽ പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
