ദില്ലിയിൽ നടക്കുന്ന യുവജന വിദ്യാർഥി പ്രതിഷേധത്തിന് പിന്തുണയറിയിച്ച് നടൻ ആസിഫ് അലി. സമൂഹമാധ്യമത്തിലൂടെയായിരുന്നു അദ്ദേഹത്തിൻ്റെ പ്രതികരണം. ഡൽഹിയിലും രാജ്യത്തുടനീളവും സമരം ചെയ്യുന്ന യുവത ഈ നാടിൻ്റെ ഭാവി വാഗ്ദാനങ്ങളാണ്. അവർക്ക് കൂടി പറയാനുള്ളത് ഭരണകൂടം കേൾക്കുകയെന്നത് ഉത്തരവാദിത്തമാണെന്നും അവർക്കൊപ്പം അണിചേരേണ്ടത് പൊതുസമൂഹത്തിൻ്റെ കടമയാണെന്നും ആസിഫ് അലി സമൂഹമാധ്യമത്തിൽ കുറിച്ചു.
നിരവധി പ്രമുഖർ യുവജനവ വിദ്യാർഥി സമരത്തിന് പിന്തുണയുമായി രംഗത്തെത്തിയിരുന്നു. ദുൽഖർ സൽമാൻ, ടൊവിനൊ തോമസ് തുടങ്ങി വിരവധി പേർ സമൂഹമാധ്യമത്തിലൂടെ സമരത്തിന് ഐക്യദാർഢ്യം പ്രഖ്യാപിക്കുകയും ചെയ്തിരുന്നു. എന്നാൽ പിന്തുണ അർപ്പിച്ച ടൊവിനൊ തോമസിന്റെ വീട്ടിലേക്ക് പ്രതിഷേധവുമായി യുവമോർച്ചയെത്തിയതും വലിയ പ്രതിഷേധങ്ങൾക്ക് വഴിവെച്ചു.
Also read: നിങ്ങളെ മർദിച്ച പൊലീസും ഗുണ്ടകളും ഭീരുക്കളാണ്; പ്രിയപ്പെട്ടവരെ അഭിവാദ്യങ്ങൾ: കിഷോർ കുമാർ
ദില്ലിയിൽ യുവാക്കളുടെ പ്രതിഷേധത്തെ അടിച്ചമർത്താനാണ് ബി ജെ പി ഭരണ കൂടം ശ്രമിച്ചു കൊണ്ടിരിക്കുന്നത്. അതിക്രുരമായാണ് വിദ്യാർഥികളെ പൊലീസ് മർദ്ദിച്ചത്. ഇതിനെതിരെ വലിയ പ്രതിഷേധങ്ങളുമായി ഇടതുസംഘടനകളുൾപ്പെടെ രംഗത്ത് വരുകയും ചെയ്തിരുന്നു. എസ് എഫ് ഐ ഉൾപ്പെടെ ശക്തമായ സമരമാർഗങ്ങളിലേക്ക് നീങ്ങാനാണ് ഉദ്ദേശിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
