അടവി കൊട്ടവഞ്ചി സഞ്ചാര കേന്ദ്രത്തിൽ തിരക്ക് കൂടുന്നു; പ്രതിദിന വരുമാനം ലക്ഷങ്ങൾ കടന്നു

കർക്കിടക വാവ് അവധിയിൽ അടവി കൊ​ട്ട​വ​ഞ്ചി സ​വാ​രി കേ​ന്ദ്ര​ത്തി​ൽ സ​ഞ്ചാ​രി​ക​ളു​ടെ വൻ തിരക്ക്. കു​ടും​ബ​ങ്ങ​ളാ​ണ്​ അ​ധി​ക​വും അടവി സന്ദർശിക്കാനെത്തുന്നത്. സം​സ്ഥാ​ന​ത്തി​ന് പു​റ​ത്തു​നി​ന്നു​ള്ള​വ​രും വി​ദേ​ശി​ക​ളും ഉ​ൾ​പ്പെ​ടെ ഇവിടം സന്ദർശിക്കാറുണ്ട്.

Also read:34.5 കിലോമീറ്റർ കഠിനമായ ഹൈക്കിങ്, പ്രചോദനമായി ദുബായ് കിരീടാവകാശി, വീഡിയോ

എഴുപത്തിയഞ്ചില​ധി​കം സ​വാ​രി​യാ​ണ്​ ഞാ​യ​റാ​ഴ്ച മാ​ത്രം ന​ട​ന്ന​ത് എന്ന് അധികൃതർ അറിയിച്ചു. ശ​നി​യാ​ഴ്ച 62 കൊ​ട്ട​വ​ഞ്ചി സ​വാ​രി​യും ന​ട​ന്നു. 7.36 ല​ക്ഷം രൂ​പ​യാ​ണ് ക​ഴി​ഞ്ഞ ജൂ​ണി​ൽ മാ​ത്രം ല​ഭി​ച്ച വ​രു​മാ​നം. 14 ല​ക്ഷം വ​രെ വ​രു​മാ​നം ല​ഭി​ച്ച മാ​സ​ങ്ങ​ളും ഉ​ണ്ട്.

കോ​ന്നി ആ​ന​ത്താ​വ​ള​ത്തി​ൽ സ​ന്ദ​ർ​ശ​നം ന​ട​ത്തി​യ ശേ​ഷ​മാ​ണ് വിനോദ സഞ്ചാരികൾ അ​ട​വി​യി​ൽ എ​ത്തു​ന്ന​ത്. സ​വാ​രി കേ​ന്ദ്ര​ത്തി​ലെ പൂ​ന്തോ​ട്ടത്തിൽ സ​ഞ്ചാ​രി​ക​ൾ​ക്ക് പ്രവേശനം അനുവദിച്ചതിനാൽ ഇ​വി​ടെ​യും ആ​ളു​ക​ൾ എ​ത്തു​ന്നു​ണ്ട്. അ​ട​വി​യി​ൽ എ​ത്തു​ന്ന​വ​ർ സ​മീ​പ​ത്തെ മ​ണ്ണീ​റ വെ​ള്ള​ച്ചാ​ട്ട​വും ക​ണ്ടാ​ണ് തിരിച്ച് പോകുന്നത്. വരും ദിവസങ്ങളിൽ സ​ഞ്ചാ​രി​ക​ളു​ടെ തി​ര​ക്ക് ഇ​നി​യും വ​ർ​ധി​ക്കും എ​ന്നാ​ണ് അ​ധി​കൃ​ത​രു​ടെ പ്ര​തീ​ക്ഷ.

Also Read: മക്കളുടെ പഠന ഫീസ് അടയ്ക്കാന്‍ പണമില്ല, മരിച്ചാൽ നഷ്ടപരിഹാരം ലഭിക്കുമെന്ന് കരുതി ബസിന് മുന്നില്‍ ചാടി യുവതി; വീഡിയോ