ആശുപത്രിക്കുള്ളിൽ കടന്ന് സ്ത്രീയെ കഴുത്തു ഞെരിച്ച് കൊലപ്പെടുത്താൻ ശ്രമം; പ്രതി പിടിയിൽ

കൂടെ താമസിച്ചിരുന്ന സ്ത്രീയെ ആശുപത്രിക്കുള്ളിൽ കടന്ന് കഴുത്തുഞെരിച്ച് കൊലപ്പെടുത്താൻ ശ്രമിച്ച കേസിലെ പ്രതി അറസ്റ്റിൽ. എറണാകുളം ചേരാനല്ലൂർ സ്വദേശി കെവി ഷാജു(57)വാണ് അറസ്റ്റിലായത്. പെരുവ മുളക്കുളം സ്വദേശിനിയേയാണ് ഇയാൾ ആക്രമിച്ചത്.

Also Read; കോട്ടയം മർമല അരുവിയിൽ യുവാവ് മുങ്ങി മരിച്ചു

ബുധനാഴ്ച ഉച്ചയോടെ കോട്ടയം വടവാതൂരിലുള്ള സ്വകാര്യ ആശുപത്രിയിലാണ് കേസിനാസ്പദമായ സംഭവമുണ്ടായത്. ആശുപത്രിയിലെത്തിയ പ്രതി മുറിക്കുള്ളിൽകടന്ന് സ്ത്രീയുടെ കഴുത്തു ഞെരിച്ച് കൊലപ്പെടുത്താൻ ശ്രമിച്ചു. ഈ സ്ത്രീ വിധവയാണ്. കുറച്ചുനാളായി ഈ സ്ത്രീയുമായി അടുപ്പത്തിലായി ഒരുമിച്ച് താമസിച്ചിരുന്നു. ഇതിനിടെ ഇവർ തമ്മിൽ വഴക്കുണ്ടാവുകയും സ്ത്രീയെ കൊലപ്പെടുത്താൻ ശ്രമിക്കുകയുമായിരുന്നു. ഈ കേസിൽ ഇയാൾ പോലീസ് പിടിയിലാവുകയും ജയിലിൽ അടക്കപ്പെടുകയും ചെയ്തിരുന്നു.

Also Read; കോഴിക്കോട് ആനക്കൊമ്പ് പിടിച്ചെടുത്ത സംഭവം; മൂന്ന് പേര്‍ കൂടി പിടിയില്‍

ജാമ്യത്തിലിറങ്ങിയ പ്രതി, സ്ത്രീ കോട്ടയത്തെ ആശുപത്രിയിൽ ചികിത്സയിലാണെന്നറിഞ്ഞ് ഇവിടെയെത്തുകയായിരുന്നുവെന്ന് പോലീസ് പറഞ്ഞു. വീട്ടമ്മ ബഹളമുണ്ടാക്കിയതോടെ ഇയാൾ ആശുപത്രിയിൽനിന്ന് ഇറങ്ങിയോടി. മണർകാട് പോലീസാണ് പ്രതിയെ പിടികൂടിയത്. പ്രതിയെ കോടതി റിമാൻഡ് ചെയ്തു.