ആറ്റുകാല് പൊങ്കാല നടക്കുന്ന മാര്ച്ച് 13ന് തലസ്ഥാന നഗരിയിലേക്കെത്തുന്ന വിശ്വാസികള്ക്ക് തടസ്സങ്ങളില്ലാതെ പൊങ്കാലയിടാന് സമഗ്രമായ സംവിധാനങ്ങളാണ് ജില്ലാ ഭരണസംവിധാനത്തിന്റെ നേതൃത്വത്തില് ഒരുക്കിയിരിക്കുന്നതെന്ന് മുഖ്യമന്ത്രി പിണറായി വിജയൻ. പൊങ്കാല ദിനത്തില് ബുദ്ധിമുട്ടില്ലാതെ യാത്ര ചെയ്യാനായി ഏര്പ്പെടുത്തിയിട്ടുള്ള ഗതാഗത ക്രമീകരണങ്ങള് ഏവരും പാലിക്കണമെന്ന് അദ്ദേഹം അഭ്യര്ഥിച്ചു.
മാലിന്യപ്രശ്നങ്ങളില്ലാതെ മാതൃകാപരമായി നടന്നുവരുന്ന ഉത്സവമാണ് പൊങ്കാല. ജില്ലാ ഭരണസംവിധാനം ഏര്പ്പെടുത്തിയിട്ടുള്ള ക്രമീകരണങ്ങള് എല്ലാവരും കൃത്യമായി പാലിക്കേണ്ടതുണ്ട്. തലസ്ഥാന നഗരിയെ ശുചിത്വവും ക്രമസമാധാനവുമുള്ള ഇടമായി നിലനിര്ത്തുന്നതിനും നാം ശ്രദ്ധിക്കേണ്ടതുണ്ട്. ഈ വര്ഷത്തെ ആറ്റുകാല് പൊങ്കാല അവിസ്മരണീയമായ അനുഭവമാക്കി മാറ്റാന് എല്ലാവരുടെയും സഹകരണവും മുഖ്യമന്ത്രി അഭ്യര്ഥിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
