ട്രാന്സ്ഫോര്മറുകള്, അനുബന്ധ ഉപകരണങ്ങള്, പോസ്റ്റുകളില് ഘടിപ്പിച്ചിരിക്കുന്ന ഫ്യൂസ് യൂണിറ്റുകള് എന്നിവയില് നിന്നും വേണ്ടത്ര സുരക്ഷിത അകലം പാലിച്ചു മാത്രമേ പൊങ്കാലയിടാവൂ. ഒരു കാരണവശാലും ട്രാന്സ്ഫോര്മര് സ്റ്റേഷന്റെ ചുറ്റുവേലിക്ക് സമീപം വിശ്രമിക്കുകയോ സാധന സാമഗ്രികള് സൂക്ഷിക്കുകയോ ചെയ്യരുത്. കൂടാതെ വൈദ്യുതി പോസ്റ്റിന് ചുവട്ടില് പൊങ്കാലയിടാതിരിക്കാന് ശ്രദ്ധിക്കേണ്ടതാണ്. ട്രാന്സ്ഫോര്മറുകള്, വൈദ്യുതി പോസ്റ്റുകള് എന്നിവയുടെ ചുവട്ടില് ചപ്പുചവറുകള് കൂട്ടിയിടരുത്.
ഗുണനിലവാരമുള്ള വയറുകള്, സ്വിച്ച് ബോര്ഡുകള് എന്നിവ ഉപയോഗിച്ചു മാത്രമേ വൈദ്യുതി കണക്ഷനെടുക്കാവൂ. വൈദ്യുതി ദീപാലങ്കാരങ്ങള് ഇലക്ട്രിക്കല് ഇന്സ്പെക്ടറേറ്റ് അംഗീകരിച്ച കോണ്ട്രാക്റ്റര്മാരെ മാത്രം ഉപയോഗിച്ച് നിര്വ്വഹിക്കേണ്ടതാണ്.
Also Read: ആറ്റുകാൽ പൊങ്കാലയ്ക്ക് തിരുവനന്തപുരം നഗരസഭ സുസജ്ജം; ഇക്കാര്യങ്ങൾ ശ്രദ്ധിക്കണേ
ലൈറ്റുകള്, ദീപാലങ്കാരങ്ങള് തുടങ്ങിയവ പൊതുജനങ്ങള്ക്ക് കയ്യെത്താത്ത ഉയരത്തില് സ്ഥാപിക്കുക. ഗേറ്റുകള്, ഇരുമ്പ് തൂണുകള്, ഗ്രില്ലുകള്, ലോഹ ബോര്ഡുകള് എന്നിവയില് സ്പര്ശിക്കുംവിധം വൈദ്യുതി ദീപാലങ്കാരങ്ങള് നടത്തുവാന് പാടില്ല. വൈദ്യുതി പോസ്റ്റുകളിലോ അനുബന്ധ ഉപകരണങ്ങളിലോ ബാനര്, പരസ്യബോര്ഡുകള് തുടങ്ങിയവ സ്ഥാപിക്കരുത്. ഇന്സുലേഷന് നഷ്ടപ്പെട്ടതോ, ദ്രവിച്ചതോ, പഴകിയതോ, കൂട്ടിയോജിപ്പിച്ചതോ ആയ വയറുകള് ഉപയോഗിക്കരുത്.
വൈദ്യുതി പോസ്റ്റുകളില് അലങ്കാര വസ്തുക്കള് സ്ഥാപിക്കാന് പാടില്ലെന്നും പൊങ്കാല ഇടുന്നവരും പൊങ്കാല മഹോത്സവത്തില് പങ്കാളികളാവുന്നവരും സുരക്ഷാ മുന്കരുതലുകള് കര്ശനമായി പാലിക്കണമെന്നും കെ.എസ്.ഇ.ബി. അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
