സിനിമയും വാഹനങ്ങളും തമ്മിലുള്ള ബന്ധത്തിന് ദശകങ്ങളുടെ പഴക്കമുണ്ട്. സിനിമയിൽ കാറുകൾ സ്റ്റൈലിന്റെയും പ്രൗഢിയുടെയും പ്രതീകമാകുമ്പോൾ, ബൈക്കുകൾ എപ്പോഴും സാഹസികതയുടെയും വേഗതയുടെയും പര്യായമാണ്. സിനിമയിലെ ഹീറോയുടെ എൻട്രി മാസ്സാക്കാൻ ഒരു ബുള്ളറ്റോ സ്പോർട്സ് ബൈക്കോ വേണമെന്നത് പണ്ടേയുള്ള കീഴ്വഴക്കമാണ്.
എന്നാൽ ചില ബൈക്കുകൾ സിനിമയേക്കാൾ വലിയ ഹീറോകളായി മാറാറുണ്ട്. ഹോളിവുഡ് ബ്ലോക്ക്ബസ്റ്ററുകളിൽ തരംഗം സൃഷ്ടിച്ച, ഇന്നും ആരാധകർ നെഞ്ചേറ്റുന്ന 5 ഐക്കണിക് ബൈക്കുകളെ പരിചയപ്പെട്ടാലോ..
ഹാർലി ഡേവിഡ്സൺ ഫാർട്ട് ബോയ് (Terminator 2)
“എനിക്ക് നിന്റെ വസ്ത്രങ്ങളും ബൂട്ടുകളും നിന്റെ ബൈക്കും വേണം” – അർണോൾഡ് ഷ്വാർസെനെഗറുടെ ഈ ഡയലോഗ് കേൾക്കാത്ത സിനിമാ പ്രേമികൾ കുറവായിരിക്കും. 1991-ൽ പുറത്തിറങ്ങിയ ‘ടെർമിനേറ്റർ 2’-ൽ അർണോൾഡ് ഓടിച്ച ഹാർലി ഡേവിഡ്സൺ ഫാർട്ട് ബോയ് ഇന്ന് ഒരു ലെജൻഡാണ്. ടി-1000-ൽ നിന്ന് ജോൺ കോണറെ രക്ഷിക്കാൻ അർണോൾഡ് ഈ ബൈക്കിൽ നടത്തുന്ന പ്രകടനം ഇന്നും ആരാധകർ ആവേശത്തോടെയാണ് കാണുന്നത്.
കവാസക്കി GPZ900R (Top Gun)
ഹോളിവുഡ് താരം ടോം ക്രൂയിസും കവാസക്കി ബൈക്കുകളും തമ്മിലുള്ള പ്രണയം തുടങ്ങിയത് ‘ടോപ്പ് ഗണ്ണിലൂടെ’യാണ്. ഇതിഹാസമായ ‘നിഞ്ച’ (Ninja) പരമ്പരയിലെ ആദ്യ മോഡലായിരുന്നു ഇത്. ഒരു ഫൈറ്റർ ജെറ്റിനോട് മത്സരിച്ച് ടോം ക്രൂയിസ് ഈ ബൈക്ക് ഓടിക്കുന്ന രംഗം യുവാക്കൾക്കിടയിൽ കവാസക്കിക്ക് വൻ ആരാധകവൃന്ദത്തെ സൃഷ്ടിച്ചു.
ALSO READ : ബോയിംഗ് ഡ്രീംലൈനര് വിമാനത്തിലെ തകരാർ; എയര് ഇന്ത്യയോട് വിശദീകരണം തേടി ബ്രിട്ടണ് വ്യോമയാന റെഗുലേറ്റര്
കവാസക്കി നിഞ്ച H2 (Top Gun: Maverick)
പതിറ്റാണ്ടുകൾക്ക് ശേഷം ‘ടോപ്പ് ഗൺ: മാവെറിക്’ എന്ന ചിത്രത്തിലൂടെ ടോം ക്രൂയിസ് വീണ്ടും കവാസക്കിയിലെത്തി. ഇത്തവണ ലോകത്തിലെ തന്നെ ഏറ്റവും വേഗതയേറിയ ബൈക്കുകളിൽ ഒന്നായ ‘നിഞ്ച H2’ ആയിരുന്നു താരം. സൂപ്പർചാർജ്ഡ് എഞ്ചിനും അത്യാധുനിക ഡിസൈനും ഈ ബൈക്കിനെ സിനിമയിലെ തന്നെ ഏറ്റവും വലിയ ആകർഷണമാക്കി മാറ്റി.
MV അഗസ്റ്റ F4 (I, Robot)
ഡിസൈൻ കൊണ്ടും കരുത്തു കൊണ്ടും വിസ്മയിപ്പിച്ച ബൈക്കാണ് MV അഗസ്റ്റ F4. ‘ഐ, റോബോട്ട്’ എന്ന സയൻസ് ഫിക്ഷൻ ചിത്രത്തിൽ വിൽ സ്മിത്ത് ഓടിക്കുന്നത് ഇതിന്റെ സ്പെഷ്യൽ എഡിഷനായ 2004 MV Agusta F4-SPR 750 ആണ്. ലോകത്താകമാനം വെറും 300 യൂണിറ്റുകൾ മാത്രമാണ് ഈ മോഡലിൽ നിർമ്മിക്കപ്പെട്ടിട്ടുള്ളത് എന്നത് ഇതിന്റെ മൂല്യം വർദ്ധിപ്പിക്കുന്നു.
ALSO READ : നമ്മ മെട്രോയില് യാത്രക്കാരുടെ മോശം പെരുമാറ്റത്തിൽ വർധനവ്; ഒരു ലക്ഷത്തിലധികം നിയമലംഘനങ്ങള് രജിസ്റ്റർ ചെയ്തു
ഡ്യുക്കാട്ടി 996 (The Matrix: Reloaded)
‘ഹോളിവുഡ് സിനിമാ ചരിത്രത്തിലെ എക്കാലത്തെയും മികച്ച ആക്ഷൻ സീക്വൻസുകളിലൊന്നായ ‘ദി മാട്രിക്സ് റീലോഡഡ്’ എന്ന ചിത്രത്തിലെ ആ ഐതിഹാസികമായ ഹൈവേ ചേസ് ആർക്കും അങ്ങനെ പെട്ടന്ന് മറക്കാനാവില്ല. ചീറിപ്പായുന്ന ട്രക്കുകൾക്കും കാറുകൾക്കുമിടയിലൂടെ, വെടിയുണ്ടകളെപ്പോലും നിഷ്പ്രഭമാക്കി ട്രിനിറ്റി പറത്തിക്കൊണ്ടുപോയ ആ ബൈക്ക് ഏതൊരു വാഹനപ്രേമിയുടെയും ഉള്ളിൽ ആവേശം നിറയ്ക്കുന്ന ഒന്നാണ്.
വെറുമൊരു സിനിമയിലെ വാഹനം എന്നതിലുപരി, ലോകമെമ്പാടുമുള്ള ബൈക്ക് പ്രേമികൾക്കിടയിൽ ഡ്യുക്കാട്ടി 996 (Ducati 996) ഒരു വികാരമായി മാറിയത് ഈ ഒരൊറ്റ ചിത്രത്തിലൂടെയാണ്.സിനിമയുടെ വൻ വിജയത്തിന് പിന്നാലെ ഡ്യുക്കാട്ടി പുറത്തിറക്കിയ പ്രത്യേക ‘മാട്രിക്സ് എഡിഷൻ’ ബൈക്കുകൾ ഇന്നും വൻ തുകയ്ക്കാണ് ലേലങ്ങളിൽ വിറ്റഴിക്കപ്പെടുന്നത്. പെർഫോമൻസിലും ലുക്കിലും ഒരുപോലെ മുൻപന്തിയിൽ നിൽക്കുന്ന ഈ സൂപ്പർ ബൈക്ക്, ഹോളിവുഡ് മാന്ത്രികതയുടെയും ഇറ്റാലിയൻ എഞ്ചിനീയറിംഗിന്റെയും മകുടോദാഹരണമായി ഇന്നും നിലകൊള്ളുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
