ഹൈദരാബാദ്: അമിതവേഗതയിലെത്തിയ ഫെരാറി കാർ എതിരെ വന്ന വാഹനങ്ങളിലേക്ക് ഇടിച്ചുകയറി ഉണ്ടായ അപകടത്തിൽ നിരവധി പേർക്ക് പരിക്ക്. ഞായറാഴ്ച ഹൈദരാബാദിലെ ജൂബിലി ഹിൽസിലാണ് സംഭവം. അമിതവേഗതയിൽ വന്ന ഫെരാരി കാർ നിയന്ത്രണം വിട്ട് നിരവധി വാഹനങ്ങളിലേക്ക് ഇടിച്ചുകയറിയാണ് അപകടം ഉണ്ടായത്.
ഇടിയുടെ ആഘാതത്തിൽ നിരവധി കാറുകൾക്കും ഇരുചക്രവാഹനങ്ങൾക്കും സാരമായ കേടുപാടുകൾ സംഭവിച്ചു, അപകടത്തിൽ ഫെരാരി കാറും തകർന്ന നിലയിലാണ്.
ഫെരാറി കാർ ഇടിച്ചുകയറി വാഹനങ്ങളിൽ ഉണ്ടായിരുന്നവർക്ക് ഗുരുതരമായി പരിക്കേറ്റു. അവരെ ചികിത്സയ്ക്കായി അടുത്തുള്ള ആശുപത്രികളിലേക്ക് മാറ്റി. പരിക്കേറ്റവരുടെ പേരുവിവരങ്ങൾ ഇതുവരെ ഔദ്യോഗികമായി സ്ഥിരീകരിച്ചിട്ടില്ല. ഫെരാരി ഡ്രൈവറെക്കുറിച്ചുള്ള വിവരങ്ങൾ ഉദ്യോഗസ്ഥർ ഇതുവരെ പുറത്തുവിട്ടിട്ടില്ല.
വിവരം ലഭിച്ചയുടനെ പോലീസ് ഉദ്യോഗസ്ഥർ സ്ഥലത്തെത്തി റോഡ് വൃത്തിയാക്കാനുള്ള ശ്രമങ്ങൾ ആരംഭിച്ചു. അപകടത്തെ തുടർന്ന് പ്രദേശത്ത് വാഹന ഗതാഗതം തടസപ്പെട്ടു.
News Summary- Several people were injured in an accident when a speeding Ferrari car crashed into oncoming vehicles
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
